Ministru Joaquim Kontinua Promete "Semana Ne'e Governu halo Pagamentu ba Fornesedór Cesta Bázika"

Tempotimor (Dili)- Ministru Koordenadór Asuntu Ekonómiku (MKAE), Joaquim Amaral kontinua promete, iha semana ne'e nia laran, governu sei halo ona pagamantu ba kompañia implementadór Cesta Bázika sira-ne'ebé molok ne'e halo distribuisaun ai-haan ba komunidade sira iha territóriu nasionál.

Nia dehan, kona-ba osan, daudaun ne'e standby hela iha sistema Ministériu Finansas (MF) nian, tanba ne'e hein de'it ministériu implementadór sira atu aserta ninia prosesu administrativu sira hodi haruka ba finansa nune'e atu bele halo pagamentu ona.

"Ha'u hein katak, sira bele rezolve ona iha semana ne'e nia laran. Pagamentu sira prosesa ona, semana ne'e bele ona", tenik Koordenadór Asuntu Ekonómiku (MKAE), Joaquim Amaral hafoin reuniaun Konsellu Ministru (KM) extraordináriu iha Ministériu Finansas (FM), Ai-tarak Laran, segunda (15/03).

Bainhira husu kona-ba dadus husi Sekretária Estadu Kooperativa (SEKOOP) nian ne'ebé molok ne'e mós dehan haruka ba MF, Ministru Joaquim hatete, sira seidauk hatama iha sistema finansa nian, tanba ne'e nia nafatin husu ba ministériu implementadór sira atu halo koordenasaun imtensivu ho MF hodi prosesa pagamentu ba kompañia sira.

"Seidauk iha sistema, ohin ha'u husu fali ba sira, para sira konserta didi'ak ho finansa atu bele halo pagamentu. Agora, finansa standby, hein katak ministériu implementadór sira halo koordenasaun intensivu liután ho finansa atubele aselera prosesu pagamentu, tanba kompañia sira, hanoin sira merese hetan pagamentu lais", hatete Ministru Joaquim Amaral.

Entretantu, kompañia sira ne'ebé halo distribuisaun ai-haan Cesta Bázika hamutuk ho ministériu implementadór SEKOOP, sira termina ona distribuisaun iha munisipiu Kovalima dezde fulan dezembru tinan 2020 kotuk, balu sei kontinua la'o hela, balu hotu besik atu hotu ona, maibé to'o oras ne'e governu seidauk nafatin pagamentu.(*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter