Sekretáriu Meza PN, Deputadu Antonio Nobre katak, PN suspende funcsonáriu feto ida deskansa iha uma tanba funsionáriu ne'e nia la'en pozitivu covid-19 ne’ebé evakua husi SEFOPE.
“Atu informa de'it katak, pesoál ne’ebé identifikadu katak nia iha nia membru família afetadu ba covid-19, entaun Sekretáriu Jerál PN nian, foti desizaun suspende nia labele tama”, deklara nia iha Parlamentu Nasionál, segunda (15/03).
Relasiona ho kestaun covid-19 iha Dili, mak Parlamentu Nasionál mós sei tau atensaun ba funsionáriu no tékniku sira wainhira deteta sira hela besik iha área afetadu ba Covid-19, no sei hola inisitiva atu bandu sira labele tama servisu.
Ho desizaun nee atu bele evita pesoál sira lori moras covid-19 hodi daet ba ema seluk.
"Desizaun suspende ne'e ba se se de'it, tantu funsionáriu, no tékniku sira ne’ebé kuandu sira hela iha área afetadu”, dehan nia.(*)