Fretilin Konsidera Reitór UNPAZ Halo Polítiku “Baratu”

Deputadu Antonino Bianco iha hela plenaria Parlamentu Nasional Deputadu Antonino Bianco iha hela plenaria Parlamentu Nasional Foto arkivu

Tempotimor (Dili) - Bankada Frente Revolusionariu Timor-Leste no Independente iha Parlamentu Nasionál (PN) konsidera Reitór Universidade da Paz (UNPAZ), Adolmando Soares Amaral uza polítika “baratu” tanba hato'o deklarasaun laliuhusi peskiza.

Deputadu Antonino Bianco hatete, wainhira sai ema sentista ida atu hato'o deklarasaun ba públiku, tenke sai ema ne’ebé sentista duni atu ko’alia bazeia ba peskiza, la'òs ko’alia fali informasaun boatu iha públiku.

Tanba ne'e, bankada Fretilin apresia komunikadu imprensa ne’ebé hato'o husi governadór Banco Centrál Timor-Leste hodi rejeita deklarasaun ne’ebé dehan banku federal Amerika rejeita pedidu levantamentu husi BNCTL dala tolu ona..

“Ha’u hanesan timoroan, ha’u sente la dun kontenti ho deklarasaun reitór UNPAZ nian, tanba reitór ne'e tuir lolos tenke sentista. Ema sentista sira halo, nia kuandu atu hato'o buat ruma, nia hatene nia rezultadu peskiza, agora rezultadu boatus mak foti ne'e, ha’u hanoin ne'e la'ós sentista ona, maibé polítiku ida polítiku murahan, polítika baratu, ne’ebé grau inferior liu”, afirma Bianco iha Parlamentu Nasionál, sesta (12/03).

Nu’udar sidadun Timor-Leste, Bankada Fretilin triste reitor UNPAZ ko’alia hanesan ema sentista, signifika krebilidade UNPAZ mak iha problema, tanba agora ema barak ko’alia krebilidade UNPAZ.

“Ita-boot sira akompañia, agora iha facebook ne'e labarak ki’ik ka boot, ida-idak atu tama ona, ne’ebé buat sira ne’ebé labele atu akontese”, dehan nia.

Ho ida ne’e, Bankada Fretilin sei hato'o keixa ba Konsellu Imprensa no Mídia Online Dili Post tanba konsidera jornalista la dun profisionál no la halo verifikasaun ba divulgasaun informasaun. (*)

Rate this item
(5 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter