Relasiona ho situasaun serka sanitária ne'ebé dadaun ne'e aplika hela bele prejudika estudante sira husi munisípiu ne'ebé eskola iha kapitál nasaun, tanba iha balu hasoru problema hahan.
"Ha'u hatene populasaun Dili foin simu sesta bázika, ne'ebé parese oituan sei iha, mais Ita-nia problema mak estudante sira ne'ebé mai husi foho no hela iha kost. Entaun, serka sanitária ne'e dada naruk, bele implika ba sira menus ai-han uma laran", afirma Daniel iha nia kna'ar-fatin Kaikoli, kinta (11/03).
Nune’e, husu ba governu atubele halo koordenasaun ho autoridade munisípiu Dili ho lideransa komunitáriu sira hanesan Xefe suku no aldeia sira hodi identifika ema vulnerável sira liuliu estudante sira husi foho.
Situasaun agora ne'e governu presiza duni halo intervensaun ruma hanesan apoiu fós, tanba populasaun rai laran dadaun ne'e menus fós.
"Sé informasaun la tama, ita-nia povu bele sofre aat liu", nia preukupa.
Ho Ida ne’e, MTKI tenke asegura nafatin fós ne'ebé iha oinsá mak nesesidade bázika ba komunidade sira labele menus.
Maibé, enkoraja nafatin estudante sira ne'ebé aluga uma hela iha kapitál Dili, bainhira hasoru problema menus ai-han, bele relata ba lideransa komunitária sira nomós ba direta ONG Forum.
Tanba Sentru Informasaun Impaktu Covid-19, bele ko’alia ba ministériu kompetente sira hanesan Centro Loguística Nacional (CLN) ho MTCI atu fó resposta.(*)
