Husi Guntur Nia "Goblok" sei Hamosu Regulasaun ba Medsos Featured

Prezidente da Republika Francisco Guterres 'Lu Olo' hasoru malu ho Prezidente Parlamento Nasional Arao Noe iha Palasiu Prezidente Ai Tarak Laran, Kuarta (29/05) Prezidente da Republika Francisco Guterres 'Lu Olo' hasoru malu ho Prezidente Parlamento Nasional Arao Noe iha Palasiu Prezidente Ai Tarak Laran, Kuarta (29/05) Foto Media Prezidente da Republika

Tempotimor (Dili) - Parlamentu Nasionál 'foin' hanoin atu halo regulasaun foun hodi regula media sosial (Medsos) hafoin mosu liafuan goblok husi membru Parlamentu Nasional balun.

"Problema ida ne'e (liafuan goblok)  problema sériu", dehan Prezidente Parlamentu Nasionál, iha Palásiu Prezidensiál Bairru-Pité, Kuarta (29/5).

La'os deit ba kazu insultu husi Deputadu Guntur nian, Prezidente Repúblika mos hato'o  ninia preokupasaun ba problema etika uzu media sosial. Maibe parte hotu-hotu preokupa liu ho lian Goblok ne'e deputadu Guntur hasai hasoru Xefe do Estadu hodi haluha kondena lider sira balun hasai lia fuan dehan lider seluk "beikten."

"Ami hanoin mak ita bele kriminaliza defamasaun, entaun kazu rua ne'e ita hotu konsidera bele halo aterasaun ba lei kódigu penal para bele halo ativu defamasaun hanesan krime, tanba iha kódigu penal la fó dalan ba krime", dehan Arão.

Kazu seluk mak aprovasaun lei ida para regulariza atividade sira ne'ebé lao iha média sosiál. Tanba media konvensional ne'e Konsellu Imprensa mak kontrola no monitoriza, maibe média sosiál ne'e la hatene se mak halo monitorizasaun. Ne'e duni, presiza regulasaun foun.

Nia hatutan, presiza duni lei ida no fo kompetensia ba orgaun ruma hodi kontrola, hanesan akontese iha Indonézia foin dadauk problema, Governu foti desizaun hapara hotu média sosial sira la halo servisu.

Siginifika, Governu iha kompetensia para interven tanba iha lei. Tanba ne'e, fó kompetensia ba orgaun ida hodi bele kontrola atu bele responsablidade ba média liu-liu sira ne'ebé uza média sosial.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.