Print this page

KHUNTO Ejize Taka Media Center Partidu CNRT

Pajina media Center CNRT, Tersa (9/3) Pajina media Center CNRT, Tersa (9/3) Foto Tempo Timor

Tempotimor (Dili) - Bankada Kmanek Haburas Unidade Nacionál Timor Oan (KHUNTO) iha Parlamentu Nasional fó ona alarma ba governu atu haree “taka" Media Center Partidu Congresso Nacional de Reconstrução de Timorese (CNRT) nian, tanba deskonfia halo publikasaun informasaun nakonu de'it ho insultu no destroidu ba públiku.

"Husu ba governu ida ne'e, haree media Center CNRT nian, kuandu halo intervensaun no hasai informasaun ruma mak nakonu ho insulta, nakonu ho destroidu di’ak liu taka tiha media center partidu CNRT nian ne’ebé mak ejiste to'o agora”, dehan deputadu KHUNTO, Luis Roberto liuhusi deklarasaun polítika iha plenária parlamentu nasionál, tersa (09/03).

Pozisaun bankada KHUNTO rejeita tanba informasaun sira ne’ebé media Center públika, sempre iha intesidu no insulta inklui destroidu ba ema seluk.

“Kuandu fó sai informasaun nakonu ho insulta no nakonu ho destroidu, ne'e Bankada KHUNTO rejeita ida ne'e, di’ak liu taka”, nia afirma.

Relasiona ho ejizénsia ne'e, www.tempotimor.com koko halo konfirmasaun ho deputada bankada CNRT, Maria Terezinha Viegas, nia parte la fó komentariu maibé diretamente sei submete asuntu refere ba Prezidente bankada CNRT, Duarte Nunes hodi fó resposta no komentariu ba deklarasaun polítikane'e. (*)

Rate this item
(1 Vote)
Last modified on Tuesday, 09 March 2021 19:33
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items