Relasiona ho númeru ne’e bainhira ekipa Ministériu Saúde (MS) deteta tiha kazu rua Pozitivu Covid-19 iha Bairu BTN2-Tasitolu, Aldeia Terra Santa, Suku Madohi, Postu administrativu Dom Aleixo, iha loron domingu (07/03), ekipa konjunta saúde buka tuir nafatin kontaktu besik sira.
Husi ezersisiu loron tersa (09/03) deteta tan kazu 9 husi kontatu besik ho kazu husi sidadaun ida ne'ebé nu'udár funsionáriu iha Sekretáriu Estadu Formasaun Profisional no Empregu (SEFOPE).
Maibé ekipa konjunta saúde halo mós restreiu iha Hospitál Nacional Guido Valadares (HNGV), deteta tan kazu 3, husi profisionál saúde ida ho oan na'in-2.
"Atu hatete katak husi kazu jerál, kazu foun ba ohin loron (09/03) hamutuk 13", hatete Vise Koordenadóra SIJK, Odete Viegas iha CCD, tersa (09/03).
Haree husi kazu ne'ebé deteta iha loron segunda (08/03) iha bairru Bebonuk, Suku Madohi, Postu administrativu Dom Aleixo, no iha loron tuir mai deteta kazu foun 1 husi amostra 28 ne'ebé foti iha Bebonuk.
Númeru kazu pozitivu ne’ebé rejist dadaun ne’e seidauk iha kazu rekuperadu, no kazu ativu sa'e ona ba kazu 48. (*)