Walk Out Iha Debate OJE 2021, Posibilidade PN Sei ''Hapara'' Mandatu Deputadu CNRT 21

Prezidente Parlamentu Nasionál (PPN), deputadu Aniceto Longuinhos Guterres Lopes hasoru malu ho Embaixador Portugal iha Dili, Sexta (5/3) Prezidente Parlamentu Nasionál (PPN), deputadu Aniceto Longuinhos Guterres Lopes hasoru malu ho Embaixador Portugal iha Dili, Sexta (5/3) Foto Tempo Timor

Tempotimor (Díli)- Relasiona ho Walk Out ou la partisipa, iha debate Orsamentu Jerál Estadu (OJE) 2021 nian iha tinan kotuk, durante loron lima, posibilidade meza Parlamentu Nasionál (PN), desidi sei 'Halakon' mandatu deputadu 21, husi bankada Congresso Nacional de Reconstrução de Timorense (CNRT) iha PN, tanba deskonfia viola rejimentu PN nian.

Ba kestaun ne'e, Prezidente Parlamentu Nasionál (PPN), deputadu Aniceto Longuinhos Guterres Lopes hatete, dadauk ne'e, meza enkamina ona ofísiu ida ba komisaun A, ne'ebé trata asuntu justisa no konstitusionál PN, atu halo pareser kona-bá problema deputadu falta loron-lima tutuir malu, iha debate OJE 2021.

Tanba tuir nia, iha artigu 7, husi rejimentu parlamentu nian, hatete deputadu sira bele lakon mandatu, wainhira sira falta loron lima tutuir malu, iha debate plenáriu.

"Ha'u haruka tiha ofísiu ida ba komisaun A atu hetan pareser kona-bá asuntu ida ne'e, tanba deputadu balun reklama, se sira la tuir debate Orsamentu Jerál Estadu, tuir rejimentu kuandu falta loron lima tutuir malu, ne'e bele lakon ou perde mandatu," dehan nia, iha PN, sesta (5/3).

Kona-bá desizaun halakon mandatu deputadu CNRT 21 ne'e, PPN Aniceto hatete, nia parte seidauk bele komenta, maibé hein de'it rezultadu husi pareser komisaun A nian, tanba kestaun ida ne'e, sira submete ona ba komisaun A mak halo pareser.

"Mais ida ne'e atu konsidera hanesan falta ou hanesan polítika ida, bele dehan walk out ida, Desizaun la'os prezidente mak hola, desizaun ne'e iha plenáriu, tanba iha ne'ebá, sei halo leitura, ne'ebé nia kontiudu no sentidu ne'e sei segredu parlamentu nain," hatete nia.

Nudar orgaun lejisdór, PPN haruka hodi levanta kestaun ida ne'e, la'os tanba meza mak la konkorda maibé, tanba rona deputadu sira kestiona hanesan ne'e, i meza prontu haruka ofísiu ba komisaun A, hodi fó apresiasun ba asuntu ne'e.

"Agora pareser iha tiha ona ha'u nia meza, ha'u sei lori ba konferénsia líder bankadas, para atu submete ba plenáriu ka halo nusa," tenik nia.(*)

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter