Alarico akresenta too agora Nia parte seidauk simu informasaun ruma kona-bá kapturasaun PNTL hasoru Diretor Sefope Munisípiu Covalima.
"Seidauk iha relatóriu ida too mai, hau labele foti medida ida kona-bá ida ne'e, so bainhira relatóriu ida mai dehan ema ne'e halo sala ruma (hanesan ne'e) hau bele foti medidas," dehan Alarico iha nia Knar fatin Sefope Kaikoli Dili, Kinta (04/03).
Alarico akresenta, iha estadu Timor-Leste tantu Sidadaun, Kliner, Diretor, inklui Ministru mos tenki kumpri ba Lei.
Membru governu ne'e hateten bainhira hanesan fungsionariu, servisu tuir regras, halo buat hothotu tuir regras. Nune'e kuandu lahalo tuir nia regras, konsekuensia sei iha sansaun.
Antes PNTL Munisípiu Ainaro kaptura diretor Sefope Munisípiu Covalima iha area Fronteira entre Munisípiu rua (Ainaro-Covalima) bainhira atu halo viagem ba Dili hodi kontra regras EE.
Entertantu Munisípiu Covalima rasik dadaun ne'e aplika serka sanitária relasiona ho pandemia covid-19 hafoin identifika mosu transmisaun lokal.(*)