Diretór Munisipal Estabelesimentu Prizoneiru Bekora, João Domingos hateten, atividade dezenvolvimentu ne'e barak, oinsa mak atu transforma (dadur) sira-nia mentalidade no komportamentu iha sosiedade.
Formasaun ne'ebé halo iha laran hanesan kursu ingles nivel ida no rua, portugés no mós kursu analfabetu. Kursu vokasional mak kostura, karpinteiru no pedreiru la'o hela, inklui kursu relijiozu kontinua kontátu madre sira no mós husi maluk sira musulmanu", dehan nia, iha Prizaun Bekora, Tersa (28/5).
Tuir nia, sira ne'ebé tuir kursu ne'e kuaze aproveira ho diak, tanba balun sai fali ona informan bainhira livre husi ne'e.
João esplika, sira ne'ebé prizaun preventiva seidauk bele tuir kursu. Prizaun kondenadu sira maka bele tuir formasun.
Formasuan ba ingles iha ema na'in 25, kursu portugés iha ema na'in 54, kursu ba analfabeita iha na'in 60 ne'ebé kompostu husi nivel báziku na'in 30 no nivel um nain 30, nunee área karpinteiru no pedreiru agora sei lao daudaun.