UDT Ejize Deputadu Sira-Ne'ebé Viajen ba Covalima-Bobonaro Tenke Kuarentena

Plenaria Parlamentu Nasional debate estensaun EE ba 11, Segunda (1/3) Plenaria Parlamentu Nasional debate estensaun EE ba 11, Segunda (1/3) Foto Tempo Timor

Tempotimorn(Dili)— Xefe Bankada Uniaun Demokrátika Timorense (UDT), Francisco David Xavier Carlos husu ba Prezidente Parlamentu Nasionál (PPN) atu desidi deputadu sira ne’ebé foin lalais ne’e hala'o viajen ba munisípiu Bobonaro ho Covalima, fila mai tenke iha obrigasaun tama kuarentena.

Nia hato'o ejizénsia ne'e ligadu ho deputadu sira husi komisaun B ne’ebé asuntu negósiu estranjeiru, defeza no seguransa hetan autorizasun hodi hala'o viajen ba Maliana.

Nia hatutan, mesmu iha deklarasaun estadu emerjénsia la bandu deputadu sira atu hala'o sira-nia funsaun maibé tenke kumpre desizaun estadu nian, tenke tama kuarentena wainhira fila husi fatin sira-ne'ebé konsidera hanesan izoladu nune'e bele husik hela nu’udar ezemplu di’ak ida ba povu tomak atu halo tuir.

“Atu responde situasaun sobre deputadu na’in-ida ba Maliana ne'e, ha’u-nia interpretasaun mak ne'e, ita nu’udar reprezentante povu, atende kualkér situasaun saida de'it, ita iha livre tránzitu. Sé karik ita ba to'o ona iha fatin ida-ne'ebé ke izola tiha ona labele tama, mais nia tama, entaun kuandu nia fila-fali mai tenke tama kuarentena,” dehan nia iha diskusaun estensaun Estadu Emerjensia (EE) XI iha plenária, Parlamentu Nasionál, segunda (1/3).

Iha fatin hanesan deputadu Mariano Assanami Sabino rekoñese liga ba substánsia kona-ba servisu deputadu sira-nian, ne'e prezidente tenke anúnsia desizaun ruma, tanba direitu deputadu ba ne'ebé de'it laiha ema ida mak bandu.

“Ha’u hanoin substánsia ne'e importante, prezidente PN mak tenke halo deklarasaun katak loloos ne'e oinsá, ita iha kartaun ne'ebé ke livre ba iha-ne’ebé de'it mais tenke kumpre regra, laiha ema ida mak dehan deputadu ne'e labele tama ba iha-ne'ebá, kumpre mak regra, se fila mai kuarentena, prontu kuarentena," dehan nia.

Ba kestaun ne'e, Prezidente Parlamentu Nasionál, Deputadu Aniceto Longuinho Guteres Lopes, sei fó-sai desizaun bainhira akumula ona hanoin sira husi deputadu sira.

Nia konsidera, solusaun sira-ne’ebé deputadu UDT no Deputadu PD levanta ida ne'e klaru tanba loloos deputadu sira hosi Komisaun B tenke submete ba kuarentena.

“Agora estadu emerjénsia ne'e tanba situasaun saúde públiku ninian, virus ne'e inimigu invizível. Sé estadu emerjénsia bainbain, deputadu bele tama no autoridade seguransa mós iha devér atu asegura, mais agora sé mak bele asegura virus kona deputadu. Hau sei halo deklarasaun ofisiál kona-ba ida-ne'e, no tenke rekoiñese ne'e erru ida-ne’e,"dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter