PN Nia ''Oras Boraixa'', KHUNTO: Deputadu viola Rejimentu PN

Tempotimor (Díli)- Xefe bankada KHUNTO, Olinda Guterres kontinua kritika deputadu no deputada sira, iha Parlamentu Nasionál (PN), tanba laiha disiplina ba artigu 46, nú.2 husi rejimentu parlamentu númeru 1/2016.

Lamentasaun ne'e, deputada Olinda Guterres levanta, iha ámbitu debate Konta Jerál Estadu (KJE) 2019 nian, iha plenáriu PN.

Xefe bankada KHUNTO ne'e hatete, tuir rejimentu katak, tuku 09:00 dader, deputadu sira tenke iha ona PN, tanba atu debate ho reprezentante governu nian, hanesan Ministru Finansas (MF) no Vise-Ministra Finansas (VMF) inklui Ministru Asuntus Parlamentares no Komunikasaun Sosiál (MAPKomS).

"Ita viola rejimentu parlamentu ninian, loloos tuku 09:00. la'os tuku 09:00 ne'e, ita bá fali tuku 10:00, kuandu iha buat ruma ne'e, ita fó hatene malu, katak aban ne'e, ita tama tuku 09:00 se lae tuku 10:00. Husu ba deputadu sira, atu kumpri rejimentu, tuir rejimentu ne'e, tuku 09:00, tanba saida mak deputadu sira kontinua dada fali oras ne'e sai hanesan ne'e," dehan nia iha plenáriu PN, tersa (23/2).

Iha fatin hanesan, Prezidente Parlamentu Nasionál (PPN), Aniceto Longuinhos Guterres rekoñese aktu ida ne'e, tanba iha tempu hirak liu ba, deputadu "L7" mos fó hanoin bebeik ona ba deputadu sira, kona-bá disiplina oras.

Ho ida nee, PPN husu ba deputadu sira, atu kumpri oras servisu nian, liu-liu oras plenáriu nian, bainhira konvida bainaka ruma iha PN.

"Meza hakarak fó hanoin tan dala ida, para ita kumpri oras servisu nian, liu-liu oras plenáriu ninian, sa tán kuandu iha plenáriu sensoens ne'ebé ita konvida tan ita-nia bainaka sira mai," dehan nia.(*)

Entretantu tuir rejimentu PN, oráriu normál funsionamentu Parlamentu nian, hahú tuku 09:00 to'o tuku 18:00 otl.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks