Alarico 'Mehi' Traballadór SWP Reentry 20 tenke Sai Modelu ba kolega seluk

Traballadór timoroan reentry hamutuk nain 20 ne'ebé atu ba servisu iha programa Seasonal Worker Program (SWP) iha australia, lee hela dekalarasaun no juramentu, Iha SEFOPE Alarico nia oin iha SEFOPE Kaikoli, Tersa (23/02) Traballadór timoroan reentry hamutuk nain 20 ne'ebé atu ba servisu iha programa Seasonal Worker Program (SWP) iha australia, lee hela dekalarasaun no juramentu, Iha SEFOPE Alarico nia oin iha SEFOPE Kaikoli, Tersa (23/02) FOTO Tempo Timor

Tempotimor (Dili)- Sekretáriu Estadu Formasaun Profisionál no Empregu (SEFOPE), Alarico do Rosário husu ba traballadór timor-oan reentry hamutuk nain rua-nulu (20), ne'ebé atu bá servisu iha Austrália, tenke sai modelu ne'ebé di'ak ba sira-nia kolega sira seluk.

Pedidu ne'e nia hato'o, bainhira hala'o despedida ho traballadór timor-oan reentry nain 20 ho sira-nia família, iha Salaun enkontru SEFOPE Caicoli, tersa (23/02).

Nia dehan, traballadór nain 20 ne'e sei bá servisu iha programa "Seasonal Worker Programme" (SWP) ne'ebé oferese husi governu Austrália, liuhusi ninia ajénsia sira.

"Imi mak tenke hatudu modelu ba kolega sira seluk atu halo tuir, imi tenke halo kampaña maka'as atu ajénsia sira bele fiar ita-nia traballadór timor-oan sira seluk. Ha'u lakohi ko'alia kona-bá despedida, maibé ita hasoru malu iha ne'e, atu fó hanoin ba malu atu hadomi ita-nia nasaun", dehan Sekreráriu Estadu Formasaun no Empregu (SEFOPE), Alarico do Rosário, iha nia kna'ar-fatin Caicoli, tersa (23/02).

Tuir nia, timor-oan sira ne'ebé bá servisu iha ema-nia rai, ho objetivu atu hadi'a nesesidade ekonomia família nian, ajuda Estadu ba dezenvolvimentu nasaun nian, tanba ne'e, bá servisu iha ema-nia rai, la'os atu buka de'it osan, maibé buka mós oinsá manan ema-nia esperiénsia.

"Servisu tenke halo tuir regras disiplina. Ha'u husu ba ha'u-nia alin sira, mantein imi-nia pozisaun, halo kampaña maka'as iha ema-nia rai, atu ema ka ajénsia sira bele avalia imi-nia servisu ho di'ak", nia fó hanoin.

Nia informa, tuir loloos SEFOPE sei haruka traballadór reentry hamutuk atus-ida-resin (100 resin) mak atu bá dala-ida, maibé tanba bazeia ba regra COVID-19 ne'ebé estabelese iha ema-nia nasaun, nune'e sira tenke kumpri hodi haruka uluk nain 20 bá ho fazeadamente.

Diretór jerál SEFOPE, Paulo Alves hatutan, traballadór reentry nain 20 nee, hetan oportunidade ida ne'ebé di'ak teb-tebes, tanba maske mundu hasoru hela problema globál COVID-19, maibé sira nafatin hetan atensaun husi ajénsia sira iha Austrália, hodi bá servisu tan dala-rua no balun dala-lima ona.

Nia husu ba traballdór sira atu kontinua hatudu prestasaun servisu ho di'ak, tanba bá servisu iha nasaun liur, la'os reprezenta de'it, ida-idak nia-aan, maibé mós lori nasaun nia naran.

"Ne'ebé ita-boot sira iha oportunidade, tanba ita-boot sira la'os traballadór foun, maibé tuan, no husu ba imi atu bá servisu iha Austrália karik tenke disiplina, labele rona lia-anin husi ema seluk depois servisu la tuir fali kontratu, ida ne'e labele", dehan nia.

Entretantu, tuir oráriu traballadór timor-oan reentry sira ne'e, sei sai husi Timor-Leste (TL) iha loron aban kuarta (24/02), maiz ou menus tuku 14:45 Otl (oras meiudia), no sei bá servisu ku'u aifuan, iha sidade Northern territory Australia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks