F-FDTL deve, tanba Ministériu Finansas mak halo mudansa ba sistema, entaun sosan tama tarde.

"Ne'e iha sistema, la'os tanba iha Ministériu lae, iha sistema finansa nian mak atraza", dehan Paixao hafoin reuniaun Konsellu Ministru extraordinariu iha palásiu governu, segunda (15/02/21).

Sistema Ministériu Finansas nian tarde ne'e, tanba halo mudansa ba sistema sira ne'ebé durante utiliza.

"Tanba, ita muda sistema, buat sira ne'e muda husi naun programa ba agora programa, entaun tenki muda hotu buat ne'e hodi atraza", tenik Nia

Tuir Nia, instituisaun F-FDTL nia dividas la'os hahan de'it, maibe inklui mos salariu ba fulan janeiru nian.

Maske F-FDTL halo dividas, maibe rejolve tiha ona, tanba osan ne'ebé transferensia husi Ministériu Finansas nian ba fulan janeiru tinan 2021 nian tama ona.

"Dividas hotu kedas, salariu han, ne'ebé fulan ida rejolve, depois ita haree tok fevereiru nian sai fila-fali",Nia akresenta

Parte Ministériu Defeza no Seguransa labele halo politika hodi evita ba akontesimentu hanesan instituisaun F-FDTL halo dividas ba hahan, tanba tarde iha Ministériu Finansas.

"Ne'e hau evita la diak, tanba ne'e iha sistema pusat ne'e finansas sentral",Nia dehan

Problema dividas F-FDTL nian dadaun rezolve hotu ona, dadaun hein fali fulan fevereiru tinan 2021 nian.

"Rezolve ona, osan sai hotu ona, osan ba fulan ida nian uluk, depois ba fulan ida nian fali, janeiru nian sai ona, hela fevereiru",Paixão afirma

Antes ne'e, iha loron kuarta 10 fulan fevereiru tinan 2021, Xefe Estadu FALINTIL-FDTL, Majór Jenerál Lere Anan Timur, hateten, durante fulan 2 no 3 ona forsa laiha osan tanba ne'e mak membru forsa armada sira hahú deve ona nesesidade bázika. (*)