Governante ne'e konsidera, problema refere hanesan situasionál, ne'ebé la'ós akontese lor-loron, maibé akontese tanba dalaruma falla husi kompañia fornesidór sira, entaun parte relavante tenke foti desizaun atu hadi'a prosesu ne'e.

"Dalaruma ita ko'alia deve hahaan, ida ne'e hanesan situasionál, ne'e la'os dehan lor-loron hanesan ne'e. dala ruma hahaan to'o tarde, pois ho kompañia ne'ebé fornese hahaan lori mai tarde, entaun parte ida tenke hola inisiativa ruma, ita labele hanoin buat hotu-hotu katak se nia mai tarde entaun tenke hola inisiativa ruma," Ministru Francisco Jerónimo, ko'alia iha Parlamentu Nasionál, segunda (15/2).

Nia haktuir, kestaun ne'e akontese la'{s tanba saida maibe prosesu ne'e rasik dalaruma mós presiza tempu.

"Buat ne'e ha'u hanoin katak ne'e inisitiva ida husi parte ne'ebe kompetente, foti desizaun hodi rezolve lai problema ne'e provizóriu hodi hein prosesu sira-ne'e hotu ida ne'e mak akontese," dehan nia.(*)