"Lutu nasaun nian, F-FDTL mak dehan laiha ai-haan no ema seluk mak ajuda para fó ai-haan, ne'e laloos. Sé ita la fó ai-haan ne'e halo nusá, sé governu iha osan la presiza foti, tanbasá mak F-FDTL señor jeneral rasik, katak deve fulan tolu ba ai-haan, ida ne'e mak halo ita bingung," Deputada Maria Fernanda Lay, preokupa iha Parlamentu Nasionál sesta (12/2).

Nia lamenta ho atendimentu governu oin loron nian tanba la konsege esforsu atu asegura ai-haan ba FALINTIL-Forsa Defeza Timor-Leste (F-FDTL) durante fula tolu.

Nia haktuir, oras ne'e Timor enfrenta situasaun kalamidade Covid-19, no governu hasai dekretu-lei taka fronteira hotu, katak iha esperansa ba polísia no forsa sira mak asegura fronteira maibé governu rasik haluhan atu fó haan seguransa.

Deputada Bankada Opozisaun ne'e mós preokupa problema saláriu membru PNTL no funsionáriu públiku balun no kompañia distribuidór sira governu seidauk halo pagamentu.

"Funsionáriu públiku, no PNTL la simu saláriu saida mak bele justifika, osan iha nusá la selu ema, ita halo fali dívida. governu mai altera fali orsamentu ne'ebe ke uluk aprova ona iha 2020 ba 2021," dehan nia.(*)