Objetivu hosi akordu ne'e atu troka informasaun no prevensaun ba krime finanseira iha Timor-Leste.
Komandante Jerál PNTL, Komisáriu Faustino da Costa, esplika akordu ne'e atu responde ba pedidu ne'ebé mak iha hodi formaliza serbisu kooperasaun protokolu fahe informasaun ne'e PNTL ho Banku Sentral Timor-Leste liuhusi UIF.
"Ida ohin ne'e atu formaliza liután, nune'e serbisu troka informasaun ne'e di'ak liután, iha futuru ita haree oinsá ita halo prevensaun halai ba iha krime, oinsá iha futuru labele akontese tan iha ita-nia rai," Komisáriu Faustino da Costa, informa ba jornalista sira iha Hotel Novo Turismu, 12/02.
Iha fatin hanesan, Diretora Ezekutiva Unidade Informasaun Finanseira (UIF) Maria José Sarmento, hateten asinatura protokolu ne'e atu formaliza servisu hamutuk ne'ebé eziste ona desde UIF hamriik.
"Desde UIF hamriik 11 setembru 2014, PNTL hala'o tiha ona servisu hodi fó informasaun ba malu, sira husu apoio UIF nia iha tékniku sira entaun UID fornese tiha ona dez de 2014," dehan Dirtor UIF.
Nia esplika, UIF nu'udar ajénsia sentrál ida-ne'ebé estabelese iha Banku Sentrál Timor-Leste ho dekretu lei ketak ida, atu simu relatóriu husi jestaun finaseira, instituisaun naun-finanseira, ne'ebe define ona iha lei antí-brankamentu kapitál. (*)