Tuir Diretór Servisu Rezistu no Verifikasaun Emprezarial (SERVE), Florencio Sanches katak, iha 2020 kompañia liu atus ida mak hatama pedidu ba SERVE hodi taka totál sira-nian kompañia.
"Hahú husi 1 Janeiru to'o 31 Dezembru 2020 ami (SERVE) simu pedidu liu atus ida liu husi kompañia para taka totál sira-nia kompañia, maibé ida ne'ebé konsege taka permanente katak sira labele duni ona atu loke fila fali mak kompania hamutuk 64," Dehan Florencio iha nia knaar fatin Hudi-Laran, Kinta (11/2).
Diretor hatutan, bainhira pedidu sira tama, SERVE fó hanoin ba kompañia sira katak, bele para atividade maibé labele taka kompañia, entaun kompañia balun mak kompriente entaun para mak atividade, maibé balun taka totál duni.
"Bainhira situasaun Covid-19 la'o normal bele halo fali atividade, maibe taka kompañia labele loke fali ona tamba lei la fo dalan," katak Nia.
Entretantu, kompañia 64 ne'ebé taka permanente 64 ne'e, maiória ka pursentu 80% husi estranjéiru, ho razaun mak laiha ona atuál de konsumu ne'ebe kee fó lukru ba sira no labele hela tan iha rai ne'ebé aluga, tamba osan laiha atu selu rai, uma, eletrisidade no funsionariu sira ne'ebé servisu ho sira.(*)