PM Taur Preokupa ho Evolusaun Surtu COVID-19

PM Taur Ko'alia ba Jornalista sira iha palasiu Prezidensial Dili PM Taur Ko'alia ba Jornalista sira iha palasiu Prezidensial Dili Foto Arkivu

Tempotimor (Dili) - Primeiru Ministru Taur Matan Ruak, preokupa ho evolusaun propagasaun surtu COVID-19 tanba númeru moras ne'e sa'e maka'as iha nasaun viziñu Indonézia no kazu pozitivu iha Timor-Leste sai ona ba 29.

Xefe Governu haktuir, hahú husi dezembru ne'e númeru covid-19 sai ba kazu pozitivu 29, sa'e hahu husi ema 15 pois tún fali no to'o ohin iha kazu 29.

"Nia risku boot tebes ba ita, nia risku ne'e mak, iha asosiasaun iha ligasaun ho buat rua importante, ida mak evolusaun. Situasaun covid-19 nian husi ita-nia nasaun viziñu NTT besik ho ita ne'e no ida seluk mak frazilidade ne'e kona-ba ita-nia paizajen ilegál iha ita-nia rain entaun halo ita preokupa loos," dehan Taur hafoin marka enkontru semanál ho Prezidente Repúblika Francisco Guterres 'Lú Olo' iha Palásiu Prezidensiál, Bairru-Pité, kinta(11/2).

Relasiona ho situasaun ne'e mak Taur dehan foin daudaun sira halo estensaun estadu emerjénsia ba dala-10 hodi hamoris hiks sala situasaun.

"Alende sala situasaun iha Dili ita mós iha mini sala situasaun iha munisípiu rua Kovalima ho Bobonaru," informa Primeiru Ministru.

Xefe Governu fó-sai katak, atualmente dirijente sira servisu iha sala situasaun iha hela Covalima.

Nune'e mós sei harii tán iha Rejiaun Administrativa Espesiál Oecusse-Ambeno (RAEOA) hodi reforsa kontrolu iha sentru kuarentena. (*)

Rate this item
(0 votes)
Last modified on Wednesday, 20 October 2021 16:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter