Tuir Ministru ba Asuntu Parlamentar no Komunikasaun Sosiál (MAPKomS) Francisco Jerónimo katak, proposta lei hirak ne'ebé governu haruka mai PN mak hanesan, proposta lei númeru 10/V (2a) kona-ba fó autorizaaun ba governu atu altera kódigu Prosesu Sivíl, proposta lei númeru 11/V (2a) kona-ba rejime jurídiku Arbintrajen voluntária no rezolusaun numeru 4/V(2a), inklui proposta lei númeru 27/IV/3o) kona-ba enkuadramentu Orsamentu Jeral Estadu, no Jestaun Finanseira estadu.
"Primeiru Ministru husu para atu halo kordenasaun ho PN, atu fó prioridade ba diskusaun lei sira ne'ebé mai iha ne'e, liu-liu lei sira ne'ebe mak atu aselera iha 2021, hanesan lei jestaun finanseira, lei poder lokál no lei sira seluk," dehan Ministru Francisco ba www.tempotimor.com iha PN, Tersa (9/2).
Governante ne'e hatutan, nia parte hato'o ona orariu sira ne'ebé liga ho prezensa governu nian ba PN, nune'e hein de'it bainhira mak parlamentu ajenda ba diskusaun refere.(*)