Print this page

Semana oin, Governu Halo Retiru ba OJE 2020 Featured

Primieru Ministru Taur Matan Ruak ko'alia hela ba Jornalista sira hafoin sorumutuk ho Prezidente da Republika, Lu Olo (23/05) Primieru Ministru Taur Matan Ruak ko'alia hela ba Jornalista sira hafoin sorumutuk ho Prezidente da Republika, Lu Olo (23/05) Foto Prezidente da Rebuplika

Tempotimor (Dili): Oitavu Governu Konstitusional ne'ebé lidera husi Primeiru Ministru, Taur Matan Ruak, tuir planu sei halo retiru ba Orsamentu Jerál Estadu  (OJE) tinan fiskal 2020 nian, iha loron 28-29 Maiu, tinan ne'e.

"Preparativus governu nian ba orsamentu 2020 nian sei halo retiru iha 28 no 29 iha fulan ida ne'e, no jornada ba orsamentu ne'e sei ba fulan-Juñu", tenik PM Taur, iha Palásiu Prezidensiál, Bairru-Pité, Kinta (23/5).

Xefe Governu dehan, ministériu sira halo ezersisiu barak para prepara. Hein katak to'o tempu kumpri tuir ezijensia tuir lei hateten, iha 15 outubru tenke ba parlamentu.

Hataan ba preokupasau sosiedade kona-ba alokasaun osan ba setor krusial sira, nia dehan, Governu halo hela ezersisiu hodi bele akumula ideia sira ne'e hotu.

Iha Parte seluk Ezekusaun Orsamentu Geral do estadu 2019 la'o neineik ho razaun ministeiru ka sekretaria do Estadu balun labele ezekuta alokasaun OGE ne'ebe aprova ona iha Parlamentu. Tan ba Lei Organika foun ba ministeiru refere sei budu hela iha Palasiu do Governu no seida'uk haruka ba Prezidente da Republika atu promulga maske aprova ona iha Konsello dos Monistru iha fulan hirak ba kotuk.

 

Rate this item
(0 votes)
Last modified on Thursday, 23 May 2019 15:36
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items