Tuir Lere, atu sai Prezidente ka la sai Prezidente hanoin katak ida-ne'e ema idak-idak nia karreira.

Maibé Lere hanoin katak seidauk to'o iha-ne'ebá, kuandu to'o iha-ne'ebá nia sei ko'alia sai.

"Ha'u uluk ne'e ko'alia beibeik, ko'alia beibeik atu sai Prezidente Repúblika. Ita sa'e ba Prezidente Repúblika lakohi ita ba hanesan sidadaun bainbain, Ha'u seidauk hanoin to'o ne'ebá," Jenerál Lere Anan Timur ko'alia iha Palásiu Prezidensiál, Bairru- Pité, kuarta (3/2).

Oras ne'e Jenerál Leste preokupa liu mak propagasaun surtu COVID-19 no oinsá forsa armada bele profisonál liu.

"Horsehik, ami-nia loron ba (tinan) 20, ha'u dehan meiu ne'e mós kondisiona militár ida atu sai profisionál, meiu sira-ne'e mós husu responsabilidade ba militár idak-idak , meiu laiha, ita lalika ko'alia kona-ba profisionalizmu, meiu laiha labele propoin disiplina ita-nia forsa sira, mas espíritu gerilla uluk iha ai-laran ita hotu-hotu hatene katak gerilla ami sira- ne'ebe iha-ne'e ami la iha esperansa atu moris no soldadu sira mós laiha esperansa atu moris mas ami inpoint maske kondisaun laiha tanba sira-nia mehi mak ukun rasik aan", Lere haktuir

Nia dehan, oras ne'e ema halo polítika tun sa'e, balun eskerda no direita, polítiku balun politiza buat hotu-hotu.(*)