Komisaun C Bolu MF Klarifika KJE 2019

Tempotimor (Dili)- Komisaun C (Finansa Públika) iha Parlamentu Nasional bolu Ministériu Finansa (MF) atu halo klarifikasaun kona-ba Konta Jerál Estadu (KJE) 2019 nian.

Relatóriu ezukusaun ba orsamentu jeral estadu 2019, Ministériu Finansa aprezenta ba PN iha loron 30 juñu 2020.

Vise Ministra Finansa (MF) SaraLobo Brites, katak audiénsia ne'e klarifika buat balun kona-ba relatoriu ezekusaun OJE, molok lori ba deskute iha plenária.

"Ohin audisaun ho komisaun C, ne'e relasiona ho konta jeral estadu 2019, purtantu hanesan ajenda bainbain parlamentu nian, molok atu tama ba plenária, komisaun sei realiza audisaun ho entidade lubuk ida, ne'e mak ohin ministériu finansa mai," dehan nia iha Parlamentu Nasionál, kuarta (3/2).

Nia haktuir, normalmente kada tinan ministériu finansa aprezenta relatóriu tanba PN kuandu aprova orsamentu jerál estadu fó ba governu ezukuta ona, governu tenke iha responsbilidade atu aprezenta fila-fali nia relatoriu ba PN no Kámara de Kontas.

Iha semana kotuk Kámara de Kontas marka ona prezensa ho komisaun C hodi aprezenta rezultadu auditoria kona-ba relatóriu ezukusaun OJE 2019.


"Ministeriu Finansa haruka ba parlamentu, ho ao mesmo tempu ba kámara de kontas, entaun kámara de kontas halo auditoria ba relatóriu ne'e, depois halo auditória, kámara de kontas mós hasai nia paresér, kona-ba relatoriu ne'ebe mak governu liuhusi Ministériu Fnansa aprezenta," dehan nia.

Durante diskusaun ho Komisaun C, Governante simu preokupasaun balun, hanesan alokasaun orsamentu ba IPJ no ANPM ne'ebe la integra iha relaróriu ezukusaun OJE.

Tanba ne'e Komisaum C husu ona ba oin tenke hadi'a no tenke ser integra hotu IPJ ho ANPM nia ezekusaun iha relatóriu.

"Ohin mos pergunta ne'ebe mak ohin hato'o, hanesan entidade rua, IPJ ho ANPM, to'o agora seidauk integra iha orsamentu jerál estadu, nomoos relatóriu la konsolida hamutuk iha konta jeral estadu, entaun ne'e rekomendasun atu orsamentu 2022 bele integra ona IPJ ho ANPM iha OJE," dehan nia.

Entertantu ezukusaun orsamentu jerál estadu 2019, governu ezukuta 84%.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter