Login to your account

Username *
Password *
Remember Me

PM Orienta MTK Atu Regista no Regulariza Kompañia Fornese Internet

Tempotimor (Díli)- Primeiru Ministru (PM),Taur Matan Ruak orienta ona Ministru Transporte no Komunikasoens (MTK), atu prepara regras hodi regula kompañia sira no husu atu regista kompañia ne'ebé fornese liña internet.

"Orientasaun sua Exelénsia Primeiru Ministru nian, sobre oinsá mak ita harmoniza no salva situasaun, sobre komunikasoens nian, iha ita nia rai laran", Nia informa, hafoin sorumutu ho Primeiru Ministru, Taur Matan Ruak, iha Palásiu Governu, tersa (02/02/).

Ministériu Transporte Komunikasoens ho asesór legál sira, aselera prosesu alterasaun dekretu lei númeru 15/2012 kona-bá rejime jurídiku Autoridade Nasionál Komunikasaun (ANC: sigla portugés) nian, oinsá hodi regulariza rede telekomunikasoens, iha rai laran.

Alende ne'e, orienta mos ANC, atu oinsá fasilita prosesu registrasaun ba kompañia telekomunikasoens sira, iha rai laran.

"Atu oinsá ita formaliza, harmoniza no salva situasaun ida ne'e, nune'e bele fasilita no asegura ita nia telekomunikasoens iha rai laran, hodi asegura servisu ajénsia governamentais sira", tenik Nia

Governante ne'e hatete, kompañia lima mak prosede ona, sira nia pedidu ba ANC, atu avalia hodi prosede ba finalizasaun.

"Ita nia Autoridade Nasionál Komunikasaun (ANC) hasai karta kona-bá, ita-nia Kompañia hirak ne'e, para submete sira-nia pedidu", dehan Nia.

Kona-bá atu formaliza kompañia lokál ou internasionál, Governante ne'e hatete, ida ne'e, parte tékniku sira mak bele esplika.

"Ha'u hanoin liga ba ida ne'e, orsida tékniku sira mak responde, atu nasionál, lokál ou internasionál, oinsá tékniku sira mak esplika, importante liu mak, iha rai laran oinsá mak formaliza, durante ne'e ita iha auzénsia parte legál ninian, tanba ne'e, mak ohin ha'u dehan, Ministériu esforsu ona, aselera prosesu alterasaun dekretu lei númeru 15/2012 ne'e", Nia dehan

Enkuantu antes ne'e, MTK aprezenta ona, alterasaun ba dekretu lei númeru 15/2012 ne'e, ba Konsellu Ministru no dadaun ne'e, iha hela prosesu distribuisaun ba liña ministeriál, hodi hetan apresiasaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter