Kazu R2M, PLP: Governu Tenki Trata Kompañia Ho Dignu

Deputadu Parlamentu Nasional husi Bankada PLP, Abel Pires Deputadu Parlamentu Nasional husi Bankada PLP, Abel Pires Foto suplai

Tempotimor (Díli) - Deputadu bankada Partidu Libertasaun Popular (PLP), Abel Pires hateten, governu tenki trata Kompañia Timor-oan ho dignu no presiza halo separasaun husi kontratu ne'ebé la hanesan.

Deputadu Abel Pires hato'o lia hirak ne'e, relasiona ho desizaun Vise-Ministru Interiór (VMI), António Armindo, ne'ebé hapara kontratu ho Kompañia R2M, kona-bá projetu Border Information Management Sistem (BIMS).

Tuir Abel, Kualker Kompañia husi Timor-oan merese hetan tratamentu ne'ebé justu husi governu, tanba Kompañia hirak ne'ebé investe ona sasan, depois governu derepente halo mudansa iha kontratu, ida ne'e prejudika tebes ba Kompañia.

"Governu iha obrigasaun atu fasilita ita-nia Kompañia sira i depois favor labele kahor problema ne'e," dehan Abel ba www.tempotimor.com, iha PN, Díli, Tersa (02/02).

Deputadu PLP ne'e hatutan, presiza tebes atu governu promove no tau matan ba Kompañia lokál sira no proteje sira-nia direitu, tanba kompañia Timor-oan sira ne'e, fó mos servisu ba Timor-oan sira seluk.

Deputadu bankada governu ne'e husu mos ba governu, presiza atu halo separasaun entre kontratu, labele kahor. Tanba tuir Abel, bainhira iha kontratu R2M fornesimentu BIMS la hanesan ho kazu internet, ne'ebé antes ne'e Polísia Nasionál Sentru Investigasaun Kriminál (PNSIK) buska no detein, ikus mai tribunál deside Termu Identidade Rezidénsia (TIR).

"Se internet entaun internet, se fornesimentu ne'e fornesimentu, kada projeitu nia kontratu ketak-ketak, labele kahor buat sira, ne'e la justu," hakotu Abel.

Antes ne'e, Kompañia R2M ne'ebé akompanã husi Defensór Públiku, Albino de Jesus Pereira, hato'o keixa ba Polísia Sientífiku Investigasaun Kriminál (PCIC: sigla portugés), hasoru Vise-Ministru Interiór, António Armindo inklui Asesór legál, Andre Fernandes no Eis Asesór IT Servisu Migrasaun, Christopher Squire, relasiona ho desizaun hapara kontratu no keisa ba PNSIK hodi investiga kompania R2M maske kompania refere simu orden husi parte Ministeiru Interior hodi devolve hikas osan Governu nian ba konta bankaria operasional Ministeiru interior iha Janeiru 2021 (*)

Rate this item
(0 votes)
Last modified on Wednesday, 03 February 2021 07:41
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter