Ministru Jerónimo mos fo hanoin ba diretór jerál no diretór sira atubele aprezenta programa nune'e halo ezekusaun iha trimestre dahuluk (janeiru, fevereiru no marsu).
"Ha'u orienta sira para halo servisu sira-ne'e, atu nune'e bele lalais liu, saida mak sira halo, tenke liuhusi diresaun jerál ne'ebé fó orientasaun ba sira," dehan nia ba www.tempotimor.com iha Gabinete MAPKOMS, Palásiu Governu, sesta (29/1).
Nia husu atu labele haluha, koordena malu iha parte hotu-hotu, relasaun ho orsamentu tenke koordena ho finansa, se relasaun ho formasaun tenke koordena ho rekursu umanu, sé relasaun ho atividade jurnalizmu koordena ho CEFTEC.
"Atu nune'e hotu-hotu iha koordenasaun ba malu, maibé labele haluhan buat ida katak diresaun jerál tenke iha koiñesimentu atividade saida de'it," hatete nia.
Durante enkontru ho diresaun hotu, MAKOMS mós ko'alia kona-ba karik presiza atu ema ruma tama para ajuda servisu ka haforsa traballu entaun sira tenke aprezenta nune'e foti desizaun.
Ministru Francisco Jerónimp ko'alia kestaun ne'e tanba hanoin hela saida mak atu halo iha fulan fevereiru, marsu no abríl.
"Tanba 2021 ne'e prosesu la'o ona no saida mak atu halo iha ona programa, iha ona sub-programa, iha atividade ne'ebe hein atu ezukuta de'it," hateten MAPKOMS.(*)