"PD iha kandidatu, atu nafatin konkore ba prezidente no ba governu, la'os tanba PD haree katak ho kandidatu forti sira mak atu apoiu PD, maibé tanba iha PD mós forti ona, entaun PD hahu forti no sira hahú fraku ona," Sekretáriu Jerál PD ne'e ko'alia iha PN, sesta (29/1).

Nia dehan, PD haree problema barak ne'ebé nasaun hasoru ne'e tenke rezolve liuhusi eleisaun prezidensiál no parlamentár.

Nia subliña, kandidatu PD nian sei mai ho vizaun atu kontribui ba fó solusaun problema impase polítiku iha Timor-Leste.

"Ha'u uluk kandidatu tiha ona, agora la presiza dehan ha'u presiza kandidatu aan, maibé ami iha tenke aposta ba perfil no aposta ba kapasidade atu lori nasaun ida-ne'e ho vizaun estadu," dehan nia.

Xefe Bankada PD ne'e fó sai katak, kandidatu hosi PD nian formalmente seidauk ko'alia maibé informalmente ne'e husi munisípiu to'o nasionál soe ona asuntu ne'e. (*)