Login to your account

Username *
Password *
Remember Me

Posibilidade Kampaña Eleisaun Prezidensiál 2022 Liuhusi Mídia Sosiál

Kandidatu Prezidente da Republika periodu 2017-2022, Dr. Francisco guterres Lu Olo (klaran) liman los iha kamijola CNRT, Prezidente Partidu CNRT, Kay Rala Xanana Gusmao no (Karuk) Sekretariu Jeral Partidu FRETILIN, Dr. Mari Alkatiri iha momentu kampana iha 2017 Kandidatu Prezidente da Republika periodu 2017-2022, Dr. Francisco guterres Lu Olo (klaran) liman los iha kamijola CNRT, Prezidente Partidu CNRT, Kay Rala Xanana Gusmao no (Karuk) Sekretariu Jeral Partidu FRETILIN, Dr. Mari Alkatiri iha momentu kampana iha 2017 Foto Arkivu

Tempotimor (Dili) - Prezidente Komisaun Nasionál Eleisaun (CNE), Alcino Barris, hateten posibilidade eleisaun prezidensiál 2022 sei liuhosi plataforma rede sosiál tanba ezisténsia propagasaun surtu COVID-19.

"Posibilidade Komisaun Nasional Elisaun sei aplika kampaña prezidensiál ho modelu distansiamentu sosiál ou bele mós utiliza de'it mídia sosiál," Prezidenti CNE, Alcino Barris esplika ba jornalista sira iha Palásiu Prezidensiál, Bairru-Pité, sesta ne'e.

Nia dehan, eleisaun prezidensiál 2022 sei do'ok, tanba ne'e la espera bainhira mak Covid-19 hotu.

"Sé to'o iha-ne'ebá (2022) mak sei kontinua mosu covid ne'e estadu mak tenke opta oinsá, karik kampaña halo husi mídia sosiál de'it, los ka lae? ou tenke iha distansiamentu sosiál, ko'alia para ema hotu-hotu rona ne'e depois ita adota kuandu situasaun ne'e ba oin, " dehan Alcino Barris.

Alcino hatutan, fasil atu CNE realiza eleisaun prezidensiál iha tinan 2022, maibé defísil mak atu lee lei sira, tanba ema hotu-hotu tenke komprende lei sira ho didi'ak, inklui prosedementu atu orienta ema sira atu ba halo kampaña eleitorál.

Nia haktuir, CNE foin lalais halo formasaun konjunta ho STAE ba matéria kona-ba lei, prosedimentu administrasaun nian no kompeténsia husi nível nasionál no munisípiu sira hotu.

"Ida-ne'e mak mais adekuadu, bainhira sé mosu eleisaun ida, lalika prekupa tanba ema hotu-hotu entendidu, agora ne'e karik ko'alia kedas eleisaun prezidensiál, to'o iha momentu ne'ebá ne'e órgaun rua ne'e mais preparadu," nia katak.

Enkuantu eleisaun prezidensiál akontese iha 2022, sei hahú ho prosidementu hanesan resensiamentu, inkrisaun no kampaña.

Nia fó-sai katak, kritéria ba kandidatura prezidenti mak kandidatu ida tenke orijinál Timor ho idade mínimu tinan 35.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter