Alcino esplika, tuir lei númeru 6/2018 kona-ba rejime finansiamentu partidu políika, fo autorizasaun subvensaun ba partidu politiku sira ne'ebé asentu parlamentár.

Bainhira partidu polítiku ida hetan kadeira barak liu sei hetan subvensaun kadeira 1 hamutuk osan rihun 92 kada tinan, hein multiplika de'it totál kadeira kada partidu.

"Tuur iha parlamentu, sira hetan direitu ne'e bolu dehan subvensaun públika, orsamentu ne'e bainhira aprova OJE tenki tau montante ba partidu polítika sira ne'ebé iha asentu parlamentár, kada kadeira hetan proposonalidade purtantu rihun $92 kada kadeira. Sé mak hetan barak liu ba partidu ne'ebé kadeira barak," Prezidente CNE ko'alia iha Palásiu Prezidensiál, Bairru-Pité, sesta (29/01).

Alcino hateten, daudaun ne'e partidu polítiku asentu parlamentár koopera halo relatóriu gastu anuál hafoin submete ba CNE atu halo transferénsia ba bankária partidu nian.

Maibe bainhira la submete relatóriu, laiha kooperasaun ne'e sujeita ba krime, multa no lakon direitu automatikamente, CNE rasik sei verifika no deliberasaun antes públika iha Jornál Repúblika.

Alcino hatutan, tuir lei númeru 9/2017 kona-ba eleisaun parlamentár mós hatete partidu polítiku sira hetan kompensasaun ruma bainhira kompete eleisaun, hafoin diploma ministeriál atribui atu partidu polítiku iha direitu kampaña siginifika kada votu ida sei hetan dollar $4.

Entertantu kada tinan CNE transfere osan rihhub $5. 980 husi kadeira 65 iha PN kompostu hosi partidu FRETILIN ho kadeira 23 no millaun $2.116, CNRT 21 kadeira hamutuk millaun $1.932, PLP rihun $736 husi kadeira 8, ba Partidu KHUNTO ho PD kada ida hetan kadeira 5 nune'e kada bankada hetan osan osan rihun $460.

Nune'e mós UDT kadeira 1, Frenti-Mudança kadeira 1 no PUDD kadeira 1.(*)