MF: Governu sei Koa Osan Viajen ba Rai li'ur, Aluga Karreta, Ense Mina Featured

MF: Governu sei Koa Osan Viajen ba Rai li'ur, Aluga Karreta, Ense Mina foto Media PM

Tempotimor (Dili): Osan ne'ebé governu aloka iha Orsamentu Jerál Estadu 2019 ba parte rekorente nian sei koa tanba konsidera osan ba parte refere la nesesariu.

Osan ne'ebé Ministériu Finansas sei koa mak osan viajen ba rai li'ur, osan aluga karreta, no osan ense mina.

Ministra Finansas Interina Sara Brites hato'o kestaun ne'e hafoin hasoru-malu ho Primeiru Ministru Taur Matan Ruak iha Palasiu Governu.

Iha enkontru ho PM Taur, Ministra hatete, aleinde koalia kona-ba prioridade ne’ebé atu implementa iha munisipiu, koalia mós kona-ba planu atu koa despeza balun ne'ebé la nesesariu.

"Iha despeza balun ne'ebé mak governu haree katak deznesesáriu entaun atu koa. Presiza prepara dadus par informa", dehan Ministra Sara, Tersa (21/05/2019).

Maske la esplika total orsamentu ne'ebé governu sei koa, maibé Ministra ne'e hatete dw'it katak, ida ne'ebé atu koa mak despezas parte rekerente nian.

"Hanesan viajen ba rai li'ur, despeza aluga kareta, enxe mina. Koa ida ne'e despezas ne'e bele poupa entaun bele tau fali ba despeza seluk," nia esplika.

Tuir nia, koa despezas la nesesariu ne'e hanesan planu governu nian atu bele iha efisiensia liu iha alokasaun, liu-liu iha area ne'ebé fó moris di'ak ba povu.

"Koa despezas ba ida ne'e planu governu nian par atu efisiensia liu iha alokasaun, liu-liu tau liu ba iha área ne'ebé fó benefisia liu ba iha bein estar povu ninian", dehan mimistra ne'e.

Rate this item
(0 votes)
Last modified on Tuesday, 21 May 2019 19:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com