Governu Lamenta Ho Deputadu Guntur Nia Mate

Mate isin Saudozu Sabino Soares 'Guntur' husi Kelikai lori mai Jardin dos erroi Metinaro iha Kinta, (28/1)' Mate isin Saudozu Sabino Soares 'Guntur' husi Kelikai lori mai Jardin dos erroi Metinaro iha Kinta, (28/1)' Foto suplai

Tempotimor (Díli)- Governu Timor-Leste (TL) hato’o sentidu kondolénsia ba deputadu Sabino Soares “Guntur” ne'ebé hakotu nia peregrinasaun iha mundu no lamenta tebes, nune'e sei la haluha matebian nia dedikasaun no kontribuisaun tomak ba povu no rai TL, durante matebian nia sei moris iha mundu.

Porta-vóz Governu nian, Ministru Prezidénsia Konsellu Ministrus, Fidelis Manuel Leite Magalhães, lori Konsellu Ministrus no Governu nia naran, aprezenta sentidu kondolénsia ba estimadu deputadu Sabino Soares “Guntur” nia família no belun sira.

"Ami lamenta ho ninia mate, maibé ami la haluha no ami fó onra ba ninia liman-rohan husi moris ida ne’ebé nia dedika sein kondisaun ba pátria no ba povu timor”, dehan Ministru Prezidénsia Konsellu Ministrus, Fidelis Manuel Leite Magalhães, liu-husi konferénsia imprensa, hafoin reuniaun Konsellu Ministru, iha Palásiu Governu, kuarta (27/01).

Governu Timor-Leste triste no neon kraik, bainhira simu informasaun katak, Deputadu Parlamentu Nasionál no Vise-Prezidente ba Komisaun Polítika Nasionál (CPN) husi Partidu Libertasaun Populár (PLP) nian, Sabino Soares “Guntur” hakotu ona iis, iha loron 23 fulan janeiru tinan 2021 ne'e, iha Ospitál Nasionál Guido Valadares (HNGV: sigla portugés), Díli no hakoi iha Jardin dos erroi Metinaro iha Kinta, 28 Janeiru 2021.

Matebian deputadu Sabino Soares “Guntur” moris iha loron 8 fulan jullu tinan 1975, iha Lelalai, Postu-Administrativu Quelicai, Munisípiu Baucau.

Matebian nu’udár mos membru fundadór PLP nian, hahú fulan juñu tinan 2018, matebian hahú hala'o nia funsaun hanesan, deputadu Parlamentu Nasionál iha V Lejizlatura no membru husi Komisaun G ne'ebé trata asuntu Edukasaun, Juventude, Kultura no Sidadania.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter