Login to your account

Username *
Password *
Remember Me

Edukasaun no Formasaun Hodi Asegura Sustentabilidade Kooperativa

Sekretáriu Estadu Kooperativa (SEKoop), Elizário Ferreira hatoo hela nia liamenon ba funsionáriu sira mak tuir formasaun iha Salaun Esperansa, Delta Elembloi, kuarta (27/01) Sekretáriu Estadu Kooperativa (SEKoop), Elizário Ferreira hatoo hela nia liamenon ba funsionáriu sira mak tuir formasaun iha Salaun Esperansa, Delta Elembloi, kuarta (27/01) Foto Tempo Timor

Tempotimor (Dili)- Sekretáriu Estadu Kooperativa (SEKoop) Elizário Ferreira, hateten edukasaun no formasaun mak bele garante sustentabilidade institusioná ba Koperativa sira iha Timor-Leste.

"Ho edukasaun no formasaun sira-ne'ebé ita promove beibeik, atu asegura sustentabilidade institusionál kooperativa nian, oinsá kooperativa ne'e bele la'o nafatin ba oin," Elizário Ferreira ko'alia bainhira ensera formasaun auditória ba nia funsionáriu sira, iha Salaun Esperansa, aldeia Săo José Elemloi, Suku Komoro, Postu Administrativu Dom Aleixo, munisípiu Dili, kuarta (27/0).

Formasaun ne'e realiza durante loron rua nia laran, hahú husi loron 26 to'o 27 fulan-janeiru ho totál partsipante hamutuk ema na'in-88.

Hosi funsionáriu na'in-88 ne'e kompostu husi funsionáriu no dirijente sira-ne'ebé daudaun hala'o kna'ar iha SEKoop nia laran.

Nia esplika, SEKoop nia programa prioridade fó importánsia liu ba edukasaun, formasaun ho informasaun, nomós halo servisu tuir prinsípiu da-lima kooperativa internasionàl nian.

Nia hatutan, ho formasaun ne'e atu- bele asegura katak sekretária estadu kooperativa sei bele eziste nafatin, sai boot liu tan no iha futuru bele transforma ba ministériu ida.

Elizário fó hanoin ba formandu sira, matéria ne'ebé formadór sira fasilita lori ba uma sai hanesan bukae ida atu aplika iha servisu loro-loron nian.

Nia mós husu ba funsionáriu sira atu empeña servisu ho loloos, bainhira mosu problema ruma iha uma, labele lori ba servisu fatin, hanesan mós problema iha servisu fatin, labele lori ba uma.

Nia agradese ba oradór sira husi Institutu Jestaun Ekipamentu (IJE), Komisaun Funsaun Públika (KFP), Komisaun Anti Korrupsaun (KAK), ne'ebé konsidera nia konvite hodi fahe ona matéria lubuk ba nia funsionáriu sira hodi eleva koñesimentu no iha produtividade ba servisu loro-loron nian ho di'ak.

Komisáriu Komisaun Antí Korrupsaun (KAK), Sergio Hornai ne'ebé sai mós oradór iha formasaun ne'e agradese ba SEKoop, Elizário Ferreira, ne'ebé ho ninia intelijénsia, sabedória, hodi bele konvida KAK hodi ba partilla informasaun balu relativamente ba iha lei, no medida sira ba iha prevensaun nomós kombate korrupsaun ninian.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter