Login to your account

Username *
Password *
Remember Me

JSMP husu Governu Tetu Didi'ak Molok Kriminaliza Movimentasaun Ilegál

Diretora Ezekutiva Judicial Sistem Monitoring Programme (JSMP), Ana Paula Marçal iha nia kna'ar fatin, Kinta (28/1) Diretora Ezekutiva Judicial Sistem Monitoring Programme (JSMP), Ana Paula Marçal iha nia kna'ar fatin, Kinta (28/1) Foto Tempo Timor

Tempotimor (Dili) - Diretora Ezekutiva Judicial Sistem Monitoring Programme (JSMP), Ana Paula Marçal hateten, husu Governu tetu didi'ak molok krimininaliza sidadaun sira-ne'ebé prátika movimentasaun ilegál iha área fronteira.

Maibe tuir Ana Paula importante mak bainhira atu kriminaliza sidadaun sira-ne'ebé tama ilegalmente iha fronteira mak ho loloos.

Ana akresenta durante ne'e governu liuhusi parte seguransa mak iha dadus atividade ilegál iha fronteira, inklui mós dadaun ne'e propagasaun surtu covid-19 mos númeru aas dadaun iha Atambua, Indonézia.

Tanba ne'e, desizaun ne'ebé governu foti hanesan parte prevensaun husi ameasa covid-19 iha Timor-Leste.

"Duke buat ruma akontese mak ita foin hakfodak, maibé husu para tetu didi'ak. Se karik ida ne'e tuir sira ( governu) bele atu hatán ba prekupasaun ema-nia kona-ba Covid-19 ne'e mai, ne'e depende ba sira, importante mak tenke halo lolos," dehan Ana Paula Marçal ba www.tempotimor.com iha nia kna'ar-fatin, JSMP Kolmera Dili, kinta (28/01).

Ana hatete movimentu ilegál ne'e rasik mós krime ona maibé governu nafatin fó toleránsia, tanba ne'e tuir loloos nu'udar sidadaun di'ak tenke kumpri regra ne'ebé governu hato'o ona, nune'e liuhusi portaun hatudu dokumentu no submete ba kuarentena.

"Tanba covid ne'e, sira (governu) tenki ser halo buat ne'ebé hanesan proteje ita hotu," dehan Ana.

Antes ne'e, Brigadeiru-Jenerál Joao Miranda 'Aluc' konsidera movimentu tama-sai ilegál fo risku tebes tanba relasiona ho surtu covid-19 no husu atu governu fó sansaun disiplinár ida- ne'ebe maka'as ba sidadaun sira tama ilegál iha fronteira.

Iha momentu seluk mos Ministru Defeza, Filomeno Paixão de Jesus sujere atu hamosu task force ida involve institusaun relevante seluk tanba konsidera defeza no seguransa nasionál iha fronteira la'ós responsáblidade husi parte defeza no interiór nian de'it maibé ministériu seluk hanesan finansa, saúde, estatal no mós sidadaun sira.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter