Nia haktuir, loloos governu esforsu ona atu kombate kazu covid-19, tanba moras ne'e perigu tebes ba sosiedade no nasaun nia vida.

"Sé ida dehan ita-boot sira ba hatete dehan hanesan ne'e, ohh… ne'e polítika, konserteza iha terrenu ne'ebá ne'e balun tuir no balun la tuir, kuandu mate ne'e sala governu nian de'it, imposível," Xefe Governu hato'o lia hirak ne'e iha plenária, Parlamentu Nasionál, kuarta (27/1).

Nia husu atu públiku tomak mantein Unidade no solidaridade ne'e ba kombate covid-19.

Tuir nia, banhira atu kombate inimigu sira, entaun povu ida nasaun ida presiza hamutuk, iha unidade ida no solidaridade atu bele kombate.

Nia dehan, kombate inimigu ida nia presiza hamutuk, sé ida ba dehan katak esforsu hirak ne'e nu'udar polítika, konserteza iha terrenu ema balun tuir no balun la tuir.

"klaru, como governu, naturalmente asumi mais tanbem konsekuénsia ida mate ne'e mate ona,"dehan nia. (*)