Print this page

Meta Malik Promete Finaliza Dadus Veteranu iha 2021

By January 27, 2021 2854
Ministru Asuntu Kombatente Libertasaun Nasionál (MAKLN), Júlio Sarmento da Costa 'Meta-Malik' ko'alia ba jornalista sira iha Palasiu Governu, Kuarta (27/1) Ministru Asuntu Kombatente Libertasaun Nasionál (MAKLN), Júlio Sarmento da Costa 'Meta-Malik' ko'alia ba jornalista sira iha Palasiu Governu, Kuarta (27/1) Foto Tempo Timor

Tempotimor (Díli)- Ministru Asuntu Kombatente Libertasaun Nasionál (MAKLN), Júlio Sarmento da Costa 'Meta-Malik', kompromete ho tarjetu tinan 2021 sei finaliza verifikasaun dadus veteranu hamutuk rihun 110 ne'ebé seidauk verifika husi dadus rejistu tinan 2009.

Meta Malik akresenta antes ne'e, dadus hatudu veteranu ne'ebé verifika ona hamutuk rihun 14 husi totál dadus tinan 2009 nian, maibé tanba razaun orsamentu no covid-19 entaun verifikasaun sei paradu hela no sei kontinua no tuir planu sei finaliza iha tinan 2021.

"Hakarak ka lakohi 2021 ita tenke finaliza dadus 2009, ne'ebé boot tebes, 240 itál mill, verifikadu ona 14 mill, hela 110 itál mill naun verifikadu," dehan Meta Malik iha Palásiu Governu, Dili, kuarta (27/01).

Nia hatutan antes atu kontinua verifika, parte ministériu sei bolu hikas verifikadór sira atu orienta antes tun ba baze atu finaliza verifikasaun.

Governante ne'e hateten, daudaun ne'e parte ministériu rasik seidauk planu atu loke hikas rejistrasaun foun maibé kontinua husu atu veteranu balun ne'ebé seidauk rejistu augenta hein.

"Prontu perpara hela aan ba, karik iha terseira vantajen bainhira dadus 2009 verifika ona iha 2021 karik ita sei buka oinsá mak loke fila-fali," dehan Meta Malik.

Entertantu rejistrasaun ba veteranu durante ne'e foin iha etapa rua husi tinan 2009 no 2013.(*)

Rate this item
(0 votes)
Last modified on Wednesday, 27 January 2021 16:44
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items