CNRT Konsidera FRETILIN 'Tauk' ho Xanana sai arguidu iha Tribunál

Tempotimor (Dili)-Bankada Cngresso Nacionál Reconstrução Timorense (CNRT) iha parlamentu nasional (PN) konsidera deputadu sira husi bankada Fretilin hahú 'trauma' ho desizaun husi CPN-CNRT ne'ebe deside Prezidente partidu CNRT Kay Rala Xanana Gusmão maka sai arguidu iha tribunal, relasiona ho keixa ne'ebé Marí Alkatiri hato'o ba iha Ministériu Públiku (MP).

Liu hus Konferénsia Imprensa iha Bankada CNRT iha Parlamentu Nasional, Deputadu CNRT, Lenadro Lobato hatete, kestaun balun ne’ebé Bankada FRETILIN fó sai iha sira nia komunikadu imprensa hodi manifesta sira nia rajaun ne'e hanesan hatudu sira nia pániku no tauk.

"kestaun balun ne'ebé bankada FRETILIN fo sai hodi manifesta de'it sira nia pániku no tauk bainhira rona Prezidente Partidu CNRT maun bo'ot Kay Rala Xanana Gusmão maka sei hatán ba Mari Alkatiri nia keixa,"deklara deputadu Leandro liu husi konferensia Imprensa ida iha parlamentu nasional, kuarta (27/1).

Nia hatete, CPN (Comissão Política Nacional) ne’e nudar órgaun koletivu ida ne’ebé lidera husi Prezidente Partidu CNRT, Kay Rala Xanana Gusmão iha obrigasaun atu responsabiliza ba desizaun no asaun ne’ebé CPN foti hodi hasoru Mari Alkatiri.

"Tanba-ne’e, Prezidente Partidu ne’ebé mós núdar Prezidente CPN iha obrigasaun atu responsabiliza ba desizaun no asaun ne’ebé CPN foti hodi hasoru Dr. Mari Alkatiri,"dehan nia.

Desizun kona-bá Xanana sao arguidu ne'e, Nia haktuir, Desizaun ida ne’e la-ós foti naran-naran, maibé foti liuhosi deliberasaun reuniaun CPN nian ne’ebé prezide husi Prezidente CPN-CNRT Kay Rala Xanana Gusmão.

Tanba ne'e, Membru CPN-CNRT sira la-ós labarik ne’ebé subar iha nia-ama nia saia hanesan Bankada FRETILIN ne'ebé alega, maibé CPN-CNRT hanesan órgaun koletivu iha nia lider másimu atu responsabiliza ba nia asaun sira.

Tanba Iha kazu ida ne’e, Prezidente CPN-CNRT maka Kay Rala Xanana Gusmão, ida ne’e mak halo diferensia entre Partidu CNRT ho Mari Alkatiri.

Antes ne'e, Bankada Fretilin iha parlamntu nasional mós liu-husi komunikadu imprensa, fo sai sira nia argumentu katak, husi sira kritika no kestiona makas ba atetude Komisaun Politika Nasional partidu CNRT ne'ebé laiha responsabiliza ba sira nia aktu.

Iha komunikadu ne'e Fretilin mos sita katak, Kazu entre Mari Alkatiri ho CPN partidu CNRT ne'e, lolos ne'e individu ne'ébe halo akuzasaun falsu ne'e mak ba hatan iha tribunal, maibé la'os Xanana Gusmão.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter