Print this page

MAPKOMS Entrega Ona Projetu Konstrusaun Torre ba ADN

By January 25, 2021 2291
Ministru ba asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo  Ministru ba asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo Foto Arkivu

Tempotimor (Dili)-Ministériu ba asuntu Parlamentár no Komunikasaun Sosiál (MAPKOMS) entrega ona prosesu estudu viabilidade projetu konstrusaun torre ba Ajénsia Dezenvolvimentu Nasionál (ADN) hodi halo verfikasaun hafoin loke tenderizasaun ba públiku.

MAPKOMS, Francisco Martins da Costa Pereira Jerónimo hatete, konstrusaun torre 6, dokumentu hotu ona no entrega ADN.

''Ha'u hanoin torre neen ne'ebé mak atu halo iha tinan ida- ne'e, ne'e nia estudu viabilidade hotu ona, iha semana hira liubá ha'u entrega ona ba iha ADN, para atu halo verifikasaun, atu nune'e bainhira mak loke tender para hahú konstrusaun,''nia informa www.tempotimor.com iha Parlamentu Nasionál, segunda (25/1).

Tuir nia, programa refere prevee tiha ona iha Orsamentu Jerál Estadu (OJE) tinan fiskál 2021.

Nia haktuir, prosesu estudu viabilidade entrega ona maibé Bill Off Quantity (BOQ) daudaun ne'e prosesu finaliza ona, no hein de'it para aprezenta ba ADN, atu bele haree.

Entertantu Torre hirak ne'e, sei hari'i iha munisípiu 6 hanesan, Maliana sei tau iha Bobonaro, Ermera sei harii Lalinlau, Ainaro hari'i iha Hornaru, Baukau iha Triloka, Lospalos hari'i iha Naunil, no Vikeke iha Ossu, Monte Perdidu nia tutun. (*)

Rate this item
(1 Vote)
Last modified on Monday, 25 January 2021 21:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items