Ministru Filomeno husu atu oan husi veteranu sira atu evita fuma sigarru no hemu tua tanba prosesu rekrutamentu sei todan tanba ne'e presiza fíziku no espíritu ne'ebé forte.

"Iha lei la ko'alia nune'e, ita seidauk iha lejizlasaun ida mak ko'alia ida-ne'e, maibé iha implentasaun ita bele haree halo nusá mak ita prioritiza ba iha veteranu sira-nia oan," dehan Filomeno iha Palásiu Prezidensiál, Bairru-Pité, segunda (25/01).

Governante ne'e hateten iha lei lejislasaun prevee ema tenke iha saúde ne'ebé di'ak.

"Husu ba veteranu nia- oan sira atu mantein fíziku, espíritu di'ak, evita fuma tabaku ho tua, porque iha prova (teste) ne'ebé todan haruka halai, halo pushup pois ita kuandu halo labele entau komplikadu iha apresiasaun no avaliasaun," dehan Filomeno.

Entertantu, governu liuhusi Ministériu Defeza daudaun ne'e sei rekruta totál 600 pesoa membru F-FDTL foun tuir planu programa VIII governu nian.(*)