Moras Covid-19 ne'e perigu tebes, tanba ne'e presiza foti medidas prevensaun ne'ebe rigorozu.

Aluc dehan, medidas prevensaun disiplinar ne'ebe tos mak tenke haruka sidadaun sira tama ilegal selu rasik kuarentina no hola hahan rasik durante kumpri kuarentina, tanba aplika medidas bai-bain sira toman ona, nune'e kontinua halo movimentu ilegal.

"Rekomendasoins ne'ebe ami fo ne'ene katak, iha nesesidade governu foti medidas ne'ebe tenkeser tos ituan, tanba sira toman tiha ona kuandu klandestinamente sira tama medidas ne'ebe ita foti ne'e, ba foti mai tau iha kuarentina depois de 14 dias fila ba uma, mais hau rekomenda paralende ida ne'e estadu tenke foti medidas ne'ebe tos itua par depois evita situasaun sira ne'e",Esplika Brigadeiru Aluc hafoin sorumutu ho Primeiru Ministru Taur Matan Ruak iha palasiu governu, segunda (25/01/21).

Nia dehan, medidas balun aumenta efetivu seguransa iha fronteira, tanba medidas balun agora la efisiente.

"Medidas balun ita dehan katak, atu aumenta efetivu ka medidas seguransa iha fronteira, mais ida ne'e ita bele dehan medidas ida ne'e la efisiente",Nia dehan

Tanba, fronteira luan la halimar ne'ebe atu koloka efetivu mos la konsege kontrola.

"Ita hotu hatene durante tinan 24 ne'ebe mak funu ho ita nia funu maluk, postu ne'ebe monta besik malu mos ita sei konsege tama, agora situasaun ida pas hanesan ne'ene buat ida ke fasil liu ba ema sira ne'ebe hanesan ne'e, ne'ebe hau rekomenda ate tantu tudu depende",Nia kompara

Nia haktuir, Primeiru Ministru mos dehan, konsensia ema ida-idak nian mak tenke makas.

"Hau nia hanoin medidas ne'ebe mak atu foti ne'ene paralende sira mai kuarentina, sira tenke hetan sansaun disiplinar ida ne'ebe mak hetan kastigu, kuarentina ho alimentasaun ne'ebe sira hstan ne'e, sira mak selu rasik", Nia rekomenda. (*)