Print this page

Deskonfia PNTL no F-FDTL Tiru Karau Iha Same, Lere Konsidera Informasaun Ne'e Mídia Bosok

By January 21, 2021 3661

Tempotimor (Dili) - Bazea ba issue ne'ebé deskonfia membru Polisia Nasionál Timor-Leste (PNTL) no FALINTIL- Forsa Defeza Timor-Leste (F-FDTL) tiru komunidade nia karau iha suku Dotik Postu Administrativu Alas, Munisípiu Manufahi ne'e laloos nune'e Xefe Estadu Maiór Jerál F-FDTL, Majór Jenerál Lere Anan Timur konsidera informasaun ne'ebé fó sai iha mídia ne'e bosok.

"Ha'u rona informasaun husi mídia deit, mídia ne'e dalaruma bosok ten, bosok tun, bosok sa'e dalaruma buka osan ne'e hotu be ha'u labele fiar mídia, ha'u fiar mak ema ne'ebé keixa mai katak ita boot nia militár ka polisia kasa iha fatin ida-ne'e, tiru karau hanesan ne'e. Ida-ne'e mak ha'u sei dehan sá medida mak ha'u sei toma", dehan Lere iha Palasiu Prezidensiál Bairru-Pité Dili, kuarta (20/1).

Jenerál Lere ko'alia nune'e tanba to'o oras ne'e seidauk simu keixa ruma.

"Kuandu keixa mai katak ema tiru duni, sé mak tiru, se ha'u-nia ema mak tiru ha'u sei husu responsabilidade ba nia", dehan Lere. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items