Ministru Francisco hato'o lia hirak ne'e, hodi responde ba preokupasaun ne'ebé hato'o husi reprezentante povu iha plenária Parlamentu Nasionál, segunda (18/1).
''Informa mós ba deputadu sira katak, perguntas balun kona-bá profesor kontratadu sira, presiza ninia destinu loloos, ha'u hanoin ba 2021 iha 900 itál, vagas ne'ebé mak sei fó profesor sira- ne'e,''dehan nia.
Perguntas deputadu kona-bá profesor kontratadu sira, presiza ninia destinu loloos ne'e, nia haktuir ida-ne'e mak daudaun governu prevee iha tinan fiskál 2021 no ida ne'e sei fo uluk ba profesor ne'ebé mak to'o agora sira-nia kargu kontratadu.
''Sei fó uluk prioridade ba profesór sira kontratadu atu-bele halo aplikasaun no rekrutamentu ba sira ne'e uluk, nune'e bele prienxe 900 vagas ne'ebe mak prevee ba 2021,''deklara nia. (*)