Kandidatu Bankada CNRT Halakon Kandidatu Bankada Taur Matan Ruak

Tempotimor (Dili)-- Kandidatu Bankada Opozisaun, husi Partidu Congresso Nacional de Reconstrução de Timorensse (CNRT), Expedito Dias Ximenes, halakon 'telak' kandidatu ne'ebé aprezenta hosi partidu Primeiru Ministru, Taur Matan Ruak, Partidu Libertasaun Popular (PLP) nian ba Konsellu Imprensa (KI) períodu 2021-2025.

Taur Matan Ruak nia Partidu Libertasaun Populár (PLP), propoin Jordão Henrique maibé liuhusi votasaun sekretu kandidatu partidu CNRT, Expedito Dias Ximenes konsege sobu bankada governu hodi halakon fali kandidatu bankada governu nian ne'ebé propoin hosi bankada PLP.

Iha Parlamentu Nasionál, FRETILIN ho kadeira 23, PLP ho kadeira 8 no KHUNTO 5.

Maibé rezultadu ikus, Expedito Dias Ximenes manán ho votu 36 no Jordão Henrique hetan de'it votu 29.

"Kandidatu Expedito Loro Diaz Ximenes no Benevides Barros, eleitu ba Conselho Imprensa," Prezidente Parlamentu Nasionál, Deputadu Aniceto Longuinhos Guterres, anunsia hafoin votasaun.

Kandidatu sira mak hanesan CNRT propoin Expedito Diaz Ximenes, PLP propoin Jordão Henrique, PD propoin Benevides Correia Barros.

Iha área komunikasaun sosiál nian iha kandidatu na'in-rua, númeru 1 mak Expedito Diaz Ximenes no kandidatu númeru 2 mak Jordão Henrique.

Tanba tuir lei komunikasaun sosiál, Parlamentu Nasionál tenke hili ema na'in-rua ne'ebé méritu iha área komunikasaun sosiál no ema ida nu'udar jurista esperiénsia iha área jurídiku nian.

Iha parte seluk, Parlamentu Nasionál hili mós Benevides Correia Barros ba iha KI ho rezultadu votasaun a-favór 53, kontra 6, abstensaun 4 no branco 2 tanba laiha kandidatu seluk mak kompete. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks