MAPKOMS Atualiza ba PN, Governu Deside Normaliza Atividade Transporte ba RAEOA

Ministru asuntu parlamentar no komunikasaun sosiál (MAPKomS) Francisco Martins Jerónimo Ministru asuntu parlamentar no komunikasaun sosiál (MAPKomS) Francisco Martins Jerónimo Foto Arkivu

Tempotimor (Dili)- Ministru asuntu parlamentar no komunikasaun sosiál (MAPKomS) Francisco Martins Jerónimo deklara governu liu husi konselhu Ministru (KM) desidi normaliza hikas movimentu transporte inklui atividade servisu iha rejiaun administrativu espesial Oekusi Ambeno (RAEOA) tanba pasiénte nain tolu ne'ebé deskonfia pozitivu ba covid-19 ne'e dadaun rekuperadu ona.

Ministru Francisco hato'o lia hirak ne'e hodi responde ba preokupasaun deputadu liga ho atividade transporte marìtima no transporte babain iha RAEOA ne'ebe antes ne'e hetan blokeia total husi governu.

''Ohin mos iha perguntas balun kona-ba ró ba Oekusi, ha'u hanoin iha sesta feira liubá, Konsellu Ministru extraordináriu halo tiha ona desizaun ida, ne'ebé mak foti ona no hasai tiha ona blokeiu ba oekusi, no agora Oekusi hala'o atividade normál hanesan bainbain tanba kazu tolu ne'ebé mak iha-ne'ebá agora negativu hotu ona,'' dehan nia iha plenária Parlamentu Nasionál, segunda (18/1).

Nia haktuir, pasiente na'in-tolu daudaun ne'e fila hotu ona iha idak-idak nia uma, tanba ne'e atividade tranporte iha Oekusi sei la'o normal fila-fali hanesan baibain.

''Maibe nafatin husu katak ró tula mos ho kuidade tenke iha nafatin distansiamentu sosiál, fase liman no uza maskára, ida-ne'e sei ezukuta nafatin,''dehan nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter