Vise-MI Koko Fase Liman husi Issue Ezonerasaun Komjer PNTL

Vice-ministru Interior Antonio Armindo ko'alia hela ba media sira hafoin sorumutu ho Primeiru Ministru no Ministru Interior, Taur Matan Ruak iha palasiu governu, sesta (15/01) Vice-ministru Interior Antonio Armindo ko'alia hela ba media sira hafoin sorumutu ho Primeiru Ministru no Ministru Interior, Taur Matan Ruak iha palasiu governu, sesta (15/01) Foto Tempo Timor

Tempotimor (Dili)- Vise-Ministru Interiór (MI), António Armindo koko fase liman husi informasaun ka issue ezonerasaun ba Komandante Jerál Polisia Nasionál Timor Leste (PNTL), Komisáriu Faustino da Costa.

Atetude fase liman ne’e, Vise Ministru hatudu liuhusi ninia resposta ba pergunta jornalista sira nian, ne’ebé husu kona-ba novidade husi issue ne’e, hafoin hala’o sorumutu ho Primeiru Ministru (PM), Taur Matan Ruak iha palásiu Governu, Dili, Sesta (15/01).

Vise-ministru Interiór ne’e hateten, issue ezonerasaun Komadante Jerál PNTL, Faustino da Costa, Ministru Interiór mak iha kompeténsia no hatene hodi halo komentáriu.

"Ida ne'e media mak ko'alia. Ha’u la ko'alia tanba ida ne'e la'ós ha'u nia kompeténsia. Ne'e kompeténsia Ministru nian. Alende Ministru interiór nia mós hanesan Primeiru Ministru, nia mak iha kompeténsia ko'alia sobre ida ne'e. Ha’u ajuda sira servisu de'it, depois kuandu buat ruma imi husu ba Primeiru Ministru no Ministru Interior," António Armindo hateten.

António dehan, nia parte la hatene, nune'e nia haruka jornalista sira atu halo konfirmasaun ho Primeiru Ministru no Ministru Interiór, Taur Matan Ruak.

"Ba informasaun ida ne'e ha’u seidauk ko'alia, ha’u la hatene, tanba tenke husu ba Ministru", nia tenik.

Entretantu, iha loron 9 fulan ne'e, bainhira jornalista sira husu kona-ba issue ezonerasaun, Vise Ministru ne’e hatan la ho linguajen diplomasia, no hatan ba los mai los katak, “imi mós hatene ona ka?”.(*)

Rate this item
(1 Vote)
Last modified on Friday, 15 January 2021 16:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks