Iha momentu aprezenta karta kredensiál ne'e Prezidente Repúblika hatán, apresia teb-tebes ba esfosu ne'ebé mak rai rua ne'e halo.
Nune'e mós Xefe Estadu husu rai rua ne'e bele hametin liután lasu amizade ho Timor-Leste no hametin liután kooperasaun entre nasaun.
"Depois mós Prezidente Repúblika hato'o nia kumprimentu ba Liurai Tailándia nian no mós ba Prezidente Repúblika Korea nian", Ministra Negósiu Estranjeiru no Kooperasaun, Adaljiza Magno iha Palásiu Prezidensiál, Nicolau Lobato, Bairu- Pité Dili, sesta (15/2).
Ministra hateten, ohin Prezidente Repúblika simu karta kredensiál rua husi Reinu Tailándia no Repúblika Korreira do Súl nian.
"Sira mai iha-ne'e iha loron balun ona, liuliu embazaidór Tailándia, sira senti kontenti loos bele entrega karta kredensiál para sira bele avontade hodi hala'o servisu knaar ne'ebé maka sira fó," dehan nia.
Tailándia hakarak tebes para kontinua esforsu ne'ebé sira halo tiha ona, liuliu kumpromisiu husi sira-nia Prinseza ne'ebé uluk mai iha Timor ajuda umanitária no projetu balun iha-ne'e," informa Ministra
Ministra hatutan, hafoin Tailándia apoia Timor-Leste adere lalais ba membru ASEAN.
"Husi parte Embaixador Korreia nian hateten katak, nia halo esforsu tomak para mobiliza emprezáriu sira husi Korreia para bele mai halo investimentu iha Timor", dehan Ministra
Ministra hateten, embaxaidor Koreia katak, Timor ne'e furak teb-tebes no nia kontenti hakaram rezidénsia iha Atauro.
Embaixadór Plenipoténsiariu Reinu Tailándia, Ekapol Poolpipatto'o no Embaixadór Extraordináriu no Plenipoténsiariu Relúblika Korreia, Kim Jeong.
"Normalmente prátika ho diplomata nia servisu ne'e tinan tolu bele extende liután porsentu to'o tinan haat ou tinan lima mais bele menus liu," Ministra eplika.(*)