Taur hateten, iha aviaun ida ne’ebé mai, entaun nia mai husi Brisbane ba Jakarta foti moras ida atu lori fila, só ke presiza ense mina, entaun nia tun iha ne'e, maibe atu semo fali nia roda rahun.
"E kualker parte iha mundu areaportu ne'e buat internasional. Ne'ebe kualker ida husu bele tun. Karik iha situasaun emerjénsia ka presiza apoiu ruma ita atoriza tun. Ne'e regra internasional nian normal akontese", Taur iha Palasiu Prezidensiál Bairu Pitte Dili, Kinta (14/).
Xefe Governu ne’e hatutan, problema sira hanesan ne'e, Ministeriu Transporte no Komunikasaun mak hateten loloos ba ita, maibe informasaun ne'ebé PM hatene, sira iha atorizasaun atu tun tanba sira nia problema mina.
"Entaun saida mak ita halo, iha medidas rua, hasees aviaun husi pista, parake aviaun sira seluk atu tun karik bele tun. Ida ne'e mak ita halo ona. Segundu maka, fó apoiu humanitaoria ba moras ida iha laran ho pilotu sira. Ida nee mak ita nia Ministeriu Saude, Ministeriu Interior, Ministeriu Estranjeiru no Kooperasaun, Ministeru Transporte n Komunikasaun sira hotu halo esforsu para fó apoiu masimu ba tekniku kondisoens fila fali para ba. Fila fali sira nia fatin tanba sira nia rumus, sira nia diresaun atu ba ne'e ba Brisbane", Taur esplika.
Xefe Governu ne’e espera katak, sira-nia situasaun ne'e rezolve ona, sira fila ba sira nia fatin ne'ebé sira presiza ba. (*)