Print this page

PM Kongratula MTKI, Agio Agradese DIT no USAID Featured

Tempotimor (Dili) Primeiru Ministru Taur Matan Ruak Kongratula Ministeriu Turizmu Komersiu no Industria (MTKI) ne'ebé realiza konferensia internasional ho tema 'Dezenvolvimentu Turizmu Relijiozu no Peregrinasaun Timor Leste nian ba Daruak'.

"Primeiru Ministru hato'o ninia votu susesu ba konferensia internasional daruak kona-ba destinu turístiku emerjente sira ne'e", tenik Ministru Turizmu Komersiu Industria ezersisiu, Hermenegildo Pereira, iha abertura segunda koferensia internasional kona-ba destinu turístiku iha Timor Leste, Sesta (17/5).

Nune'e, Ministru mos agradese ba Institutu Teknolojia Dili (DIT) no USAID, tanba organiza ona eventu importante ne'ebé sei permite atu fahe esperiénsia no hetan koñesimentu kona-ba setor turizmu iha Timor Leste, liu-liu turizmu relijiozu no nia relasaun potensial kontributu ba dezenvolvimentu no kreximentu sosiu-ekonómiku iha nasaun ne'e.

Nia hatutan, maske Timor-Leste nu'udar nasaun kiik ida, maibé sente orgullu ho nia diverjensia kultural ne'ebé mai husi influensia barak durante tempu naruk. Nune'e, grupu étniku oioin prodúz diverjensia únika, ne'ebé reprezenta husi lingua, dansa, múzika, arkitektura, artezanatu no to'o fiar sira.

Labele ko'alia kona-ba dezenvolvimentu turizmu nasional sein temi infraestrutura sita husi apoiu nian no importansia hadia servisu báziku sira tuir padraun sira internasional nian, hodi investe maka'as liu iha edukasaun atu fó servisu ba área ida ne'e la'os deit ba iha nivel ensinu superior maibé liu-liu ba nivelensinu vokasional.

"Tanba ne'e tenke investe duni ba ita nia foinsa'e sira, hodi asegura formasaun téknika ne'ebé orienta ba atividade turístika oioin hanesan kazu turizmu relijiozu nian", dehan Agio.

Ministru dehan, tenke halo asesibilidade tantu ba transporte aéro sira no mós asesu via terestre ba pontu turístika sira hotu, liu-liu iha área rural liu. Tanba ne'e, Governu kontinua servisu maka'as hodi hadia asesibilidade sira no kontinua investe nafatin iha área hirak ne'e.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items