Kazu Traballadór Seguransa Lorosa'e La Simu Saláriu, MOP: Kompañia Mak Tenke Responsabiliza

Ministru Obras Publika (MOP) Salvador Eugénio Soares dos Reis Pires ko'alia ba Jornalista sira Ministru Obras Publika (MOP) Salvador Eugénio Soares dos Reis Pires ko'alia ba Jornalista sira Foto Arkivu

Tempotimor (Dili)- Ministru Obra Públika (MOP), Salvador Pires hateten, traballadór ne'ebé servisu nu'udar seguransa la simu saláriu ne'e kompañia seguransa lorosa'e mak tenke responsabliza.

Nia informa, kompañia seguransa lorosa'e nia kontratu mate tiha, MOP loke fali konkursu sira la tuir.

"Ha'u esplika ba traballadór no seguransa lorosa'e nia kontratu mate, ami loke tender sira la mai tuir, kontratu ne'e entre kompañia no traballador sira, ami loke tender sira la mai tuir, sira hakarak asina kontratu ne'e iha 2011 to'o kedas iha 2019", nia ko'alia iha Palásiu Governu, kuarta (13/01).

Durante Ministru Salvador nia mandatu, Tribunal das Contas rekomenda atu kontratu sira tenke liuhusi konkursu públiku.

"Ami momentu halo konkursu infelizmente seguransa lorosa'e hanesan kompañia seguransa la ba tuir, podia nia ba tuir nia mak esperiénsia liu no depois tanba limitasaun osan iha momentu ne'ebá, entaun ami desidi numeru seguransa ba sub-estasaun sira iha Munisípiu ita diminui 200-ital pesoas, saida mak akontese entaun kontratu ne'e guardamor mak liuhusi prosesu manán tiha", hateten Ministru Salvador Pires.

Nia esplika, Guardamor manán tiha, entaun ba haruka sira troka tiha farda, maibe sira labele akomoda hotu, tanba numeru ne'e ki'ik la hanesan, ida ne'e mak situasaun.

"Agora governu, ita hotu-hotu nia aktu ne'e bazeia ba lei, lei mak regula",tenik nia

Nia dehan, traballador seguransa sira-ne'ebé kompañia seguransa lorosa'e haruka sira servisu la simu saláriu ne'e ba ko'alia ho kompañia.

"Kontratu hotu ne'e sira tenke ba ko'alia ho seguransa lorosa'e, tanba seguransa lorosa'e mak atende sira-nia servisu," nia dehan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks