Login to your account

Username *
Password *
Remember Me

Protesta Rekrutamentu, Funsionáriu MNEK ‘Monu-Ain’ ba Ministra Adalgisa

Karta Protesta husi ne'ebe asina husi Fungsionariu na'in 21 ne'ebe haruka ba MNEK Karta Protesta husi ne'ebe asina husi Fungsionariu na'in 21 ne'ebe haruka ba MNEK Foto Tempo Timor

Tempotimor (Dili)- Funsionáriu na'in 21 iha Ministériu Negósiu Estranjeiru no Kooperasaun (MNEK) ne’ebé antes ne’e halo petisaun protesta ba prosesu selesaun posting misaun Timor-Leste nian iha rai liur, ikus mai rekoñese sala hodi husu deskulpa ba Ministra, Adalgisa Magno.

Adalgisa Magno hateten, funsionáriu ne'ebé halo petisaun ne'e hakerek fali ona karta mai katak, la devia sira Protesta.

"Ne'e asuntu internu, ida ne'e sala paham, sira rekoñese katak, ida ne'e sira protestu buat ida ke la’os nia fatin tanba sira hakerek karta fila-fali ona no sira rekonese katak, la devia sira halo petisaun ne'e. Sira rekoinese, tanba rekrutamentu ne'e loos hela no laiha buat ida," Ministra ne’e informa hafoin reuniaun Konsellu Ministru iha palasiu Governu, Kuarta ne’e.

Nia esplika, prosesu selesaun ne'e, tanba haruka ema ba posting ne'e kompeténsia ministra nian, mais ministra prefere halo selesaun, kuandu se mak diak foin bele ba no labele hili-hili de'it, maibe, prontu ema ne'ebé la liu sempre la satisfás hodi protesta.

Adalgisa Magno haktuir, dezde tinan 2002 mai, ema sira ne'ebé atu ba posting iha rai liur, la liu husi selesaun ka teste, maibé indika ba de'it, nune'e MNEK Adalgisa Magno muda sistema ida ne'e hodi aplika selesaun hafoin diak mak bele ba.

"Tinan hira ona dezde 2002 ne’e nunka iha selesaun, haruka ba posting ne'e hatudu de'it, maibé ha’u hakarak kumpri lei tenke halo selesaun, entaun selesaun mak ba", nia akresenta.

Governante ne’e hatutan, halo selesaun ne'e, tanba hakarak ema ne'ebe atu ba tenke estuda no hatene duni mak ba nasaun seluk.

"Ne'e kompeténsia exkluzivu dirijente MNEK nian nunka iha istoria halo selesaun mak sai, uluk ne'e hatudu de'it, se mak ba posting hatudu de'it, mais ha’u ba muda hotu, ha’u hakarak halo selesaun. Se mak diak liu mak ba, se mak selesionada ko'alia ingles diak, portugues diak mak ba. Depois nia koñese area diplomatika mak ba, sira ne'ebe la liu la ba, sira tenke estuda," nia esplika.

Ema ne'ebe atu ba posting misaun Timor-Leste nian iha rai liur ne'ebe liu ona selesaun hamutuk na'in 13 no, parte MNEK sei haree funsionariu sira ne'ebe halo petisaun ne'e.

"Ami hateten, ha’u haruka haree se mak halo buat ne'e, mais ne'e sira barak hakerek ona karta mai dehan, purlafsu sira asina, mais sira rekoñese katak, sira la devia halo buat ne'e," nia tenik.

Ministra ne’e mós hatutan, ema sira tuir la liu ne’e mak sira protesta, prontu normal ne'e par hotu-hotu tenke estuda, uluk ne'e la estuda haruka hili de'it sese mak atu ba.

"Agora hau halo se mak ba tenke diak, ne'ebe halo ezame, halo selesaun justu liu, la'os hatudu-hatudu de'it ba, ema diak at ba de'it, agora lae, o tenke estuda mak ba", nia salienta.

Nune'e, nia mos dehan, funsionariu sira ne'ebe la satisfas ho desizaun ne'e bele lori ba Provedoria Direitus Umanus no Justisa (PDHJ), Komisaun Anti Korupsaun (KAK), no Komisaun Funsaun Publiku (KFP).

"Sira bele lori, mais agora sira rekoñese tiha ona dehan sira sala. Bainhira hakerek fali karta mai dehan balun la asina, ida naran iha ne'eba, sira mai husu deskulpa. Tanba ne'e kompetensia ministra nian ", nia dehan.

Adalgisa Magno relata, maneira selesaun ne'e Diretór Jeral mak halo selesaun, sira taka loke vaga depois se mak hakarak ba aplika, se mak dokumentus loos, pois intrevista, se mak entrevista diak mak hetan liu ba posting iha rai liur.

Petisaun ne'ebe funsionáriu MNEK halo ho nia pontus sira mak hanesan, Loke konkursu vaga tékniku administrasaun tolu ba embaixada RDTL iha Bruxelas, Singapura no Pequim maibé rezultadu ema ne’ebé pasa sai fali ba Terseira Sekretária.

Loke konkursu vaga ida, ba terseira sekretária iha Londres, maibé rezultadu ema ne’ebé pasa ba fali iha segunda sekretária.

Loke konkursu vaga ba segundu sekretária ba embaixada RDTL iha Vatikanu no Bangkokue, maibé rezultadu ema ne’ebé pasa ba fali ba terseira sekretária.

Loke konkursu vaga rua ho pozisaun segunda sekretária ba embaixada RDTL iha Genebra no Wosingtong maibé rezultadu sai fali primeira sekretária iha embaixada Tokyo, Singapura, Wellintong no Genebra.

Loke vaga lima ho pozisaun konselleiru iha embaixada Singapura, Tokyo, Wellintong, maibé rezultadu sai fali primeiru sekretáriu ema na’in ida mak liu, Ezemplu ba Tokyo.

Kandidatu ne’ebé foin fila husi servisu periferikus seidauk kompleta tinan tolu iha kapitál, maibé hetan ona oportunidade atu ba fali ona posting, ezemplu Konsul Jeral ba Bali.

Kandidatu ne’ebé nunka aloka ba servisu periferikus externu, maibé liuhusi selesaun ida ne’e hetan kedas oportunidade ba primeira sekretária.

Tuir prátika normal iha MNEK, Ezemplu, primeira posting tenke liuhusi nivél tékniku administrasaun depois presiza kontribuisaun servisu tinan ualu iha MNEK hafoin promove ba primeira sekretáriu.

Iha petisaun ne'e mos sita katak, bainhira laiha resposta husi MNEK mak petisionariu sira sei levanta ba PDHJ, KAK no KFP atu bele hetan justisa ba ema hotu iha MNEK. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter