Bianco mós haree katak, deputadu sira ohin loron mai tuur iha ne'e, tanba atu viabiliza sira-nia lider másimu, maibé realidade hatudu sira atu miniza fali sira-nia lideransa nia naran.
"ita boot sira tenke viabiliza imi-nia lider másimu ne'e, tanba labele halo foer lider másimu ninia naran ne'e iha ne'e," Deputadu Bianco ko'alia iha Plenária, Parlamentu Nasionál, tersa (12/1).
Nia hatutan, hanesan deklarasaun ne'ebé bainbain deputadu sira ko'alia, dehan meza ilegál, governu defaktu, sira só koalia atu dirize deputadu 44 ne'ebé mai husi bankada tolu, PLP, KHUNTO, no FRETILIN ne'ebé viabiliza governu ida-ne'e.
Nia sujere deputadu CNRT karik envolve iha debate entaun foka ba asuntu, ida ne'e mak hatudu nudar reprezentante povu, no reprezenta nia líder másimu, nomoos reprezenta nia bankada.
"ita debate, eh debate asuntu, ne'e mak ita reprezentante bankada nia boot ne'e, maibé afinál mai minimiza nia partidu rasik, no ninia líder rasik. Ne'e mak ha'u dehan tuir loloos ida- ne'e la'ós fatin, ita boot sira tenke viabiliza imi-nia líder másimu ne'e, tanba labele halo foer líder másimu ninia naran ne'e iha-ne'e, ne'e mak ha'u fo hanoin ba ita boot sira," dehan nia.(*)